İranın vitse-prezidenti, Ətraf mühiti qoruma təşkilatının rəhbəri Məhəmməd Cavad Məhəmmədizadə Moskvada İRNA agentliyinə müsahibəsində deyib ki, Xəzər dənizi zonasından neft və qaz kəməri çəkilməsi üçün ən yaxşı marşrut İrandan keçir.
O qeyd edib ki, Xəzər dənizi zonasından neft və qaz nəqli üçün boru kəmərləri quruda çəkilməlidir və onları İran ərazisindən çəkmək olar. İran ərazisindən keçən boru kəmərləri daha qısa və iqtisadi cəhətdən sərfəli olacaq. Bundan başqa, istismar zamanı onlara xidmət asan olacaq.
İran vitse-prezidenti deyib ki, ölkəsi Xəzərin dibi ilə boru kəmərləri çəkilməsinə qarşıdır. Onun sözlərinə görə, bu dəniz çox zəifdir və onun sularındakı boru kəmərləri uzunmüddətli perspektivdə ona ziyan verə bilər. Amma quruda boru kəmərləri çəkilən zaman ziyan dəyməsi ehtimalı xeyli azdır, bundan başqa, belə boru kəmərlərinin çəkilməsi dənizin dibi ilə müqayisədə az xərc tələb edir.
Məhəmmədizadə xatırladıb ki, İran Xəzəryanı ölkələrlə ətraf mühitin qorunması və təcrübə mübadiləsinə hazırdır. O, məlumat verib ki, Rusiya rəhbərliyi onunla görüş zamanı İranla əməkdaşlığa hazır olduqlarını bildiriblər və birgə səylərlə Xəzər dənizinin problemlərinin uğurla həllinə inam var.
Məhəmmədizadə Xəzər dənizini sülh və dostluq dənizi adlandırıb və hesab edir ki, Xəzəryanı ölkələr qarşılıqlı əməkdaşlıq imkanlarını artırmalıdırlar.
İran vitse-prezidenti, Ətraf mühiti qoruma təşkilatının rəhbəri İİR təmsilçisi kimi Moskvada dekabrın 10-12-də keçirilən Xəzər dənizi mühitinin qorunması üzrə Çərçivə Konvensiyası (Tehran Konvensiyası) Konfransının IV sessiyasında iştirak edib. --0--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz