Yanvarda neft hasilatı 3,7 mln ton olub, deyə Dövlətstatkom məlumat verir.
2014-cü ilin yanvarında bu göstərici 3,6 mln ton olub. Beləliklə, bu ilin yanvarında hasilat 2,7% artıb.
Amma bu artımın necə olduğu bilinmir. Çünki hökumət 2015-ci ildə hasilatın 1,3 mln ton azalacağını proqnozlaşdırırdı (ayda 108 min ton – red).
2015-ci ilin yanvarında ölkədə qaz hasilatı 1,8 mlrd kubmetr (artım 12,5%) olub.
2014-cü ildə Azərbaycanda neft hasilatı 41,9 mln ton, əmtəəlik qaz hasilatı 18,7 mlrd kubmetr olub.
Azərbaycan hökuməti 2015-ci ildə neft hasilatını 40 mln 615,6 min ton, qaz hasilatını (əmtəəlik qaz daxil) 28 mlrd 420 mln kubmetr proqnozlaşdırıb. –12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz