Yeni binaların qazlaşdırılması onlara marağı artırıb

Fevralda yeni binalara tələb artıb. Buna səbəb qazlaşdırmadır. FHN bir neçə ilə texniki şərtlərlə bağlı buna icazə vermirdi. Sifarişçilər illərlə icazə gözləmədi, çoxu rieltorluq sektoruna keçdi. Ona görə hökumət komissiyası qərara gəldi ki, obyektləri qəbul etmək olar.

2012-ci ildə 60 yeni binaya boru çəkildi, ötən il proses davam etdi. ARDNŞ 149 binaya (30. 374 mənzil) qaz verdi. Nəticədə ilkin bazrda canlanma yarandı.

Qiymətlər hələ dəyişməyib- 60 - 65 kv metrlik 1 otaqlı mənzil Xətai və Sabunçuda (təmirsiz) 25-30 min manat, 2 otaqlı 92 - 95 kv metr 40-45 min manatdır. 3 otaqlılar (132 - 140 kv m) 59,5 – 65 min, 4 otaqlılar (183 - 190 kv m) – 82 – 90 min, 5 otaqlılar (235 - 260 kv m) – 105-120 min manatdır. Orta qiymət  - Bakıxanov qəsəbəsində 1,3 əmsal, Şirvan və Yevlaxda mənfi 1,3. Mütəxəssislərin fikrincə, təmirdən sonra bu rəqəmləri 1,2 – 1,5 qədər arta bilər.

Bu seqmentdə aktivliyin daha bir səbəbi. Füzuli, Bədəlbəyli, Mirzağa Əliyev küçələrində evlər söküləndə əhali təkrar mənzilə üstünlük verirdi. Onların resursu qurtardı. Mənzil sahibləri mənzilləri kirayə verir. Ona görə “Sovetski” sakinləri ya yeni binalara, ya da şəhərətrafına üz tutmalıdır.

İkinci variant daha realdır – onların çoxu 20 kv m mənzildə qeydiyyatdadır. Kompensasiya mərkəzdə ev almağa imkan vermir. Ona görə yeni binalarda şəhərətrafında təmirsiz ev almalıdırlar. Kütləvi söküntü ilə bağlı yanvarda bu seqmentdə qiymətlər artıb.

əgər ötən ilin əvvəlində orta təmirli mənzillərin 1 kv m-i 810 manata alırdısa, indi təmirsiz 1 kv m 450 manat olan mənzillərə üstünlük verilir. Xətai, Sabunçu, Pirallahı, Qaradağ və Binəqədidə aktivlik var. Əyalətdə - Gəncə, Sumqayıt, Şirvan, Quba və yevlaxda da artım qeydə alınıb.

Mütəxəssislərin hesablamasına görə, mərkəzdə yeni binalarda alıcıların aktivliyi 80% azalıb, amma varlılar “Yeni həyat” və Port Baku Residence-də 1 kv metri $5 min və 12,6 minə mənzil alırlar. Hətta 1 kv m üçün $130 min təklif var. Pul ekvivalentində mərkəz ucqardan geri qalmır.

Bakı qəsəbələrində 2-3 otaqlı mənzillərə daha çox tələb olub. Ardınca 3-cü zonada 1 otaqlı mənzillər gəlir. 5 və çox otaqlılara (235-400 kv m) daha az tələbat var.

Ekspertlər hesab edir ki, ilkin bazarda yüksək qiymətlərə tikinti sektoruna hamilik edən məmurlar səbəbkardır. Qiymətlər süni olaraq şişirdilir. Məmur oliqarxlar tikintiyə “yüngül” pullar qoyur. Ona görə bazara təsir üçün real rıçaqlar yoxdur. --17D—