Azərbaycanın ən böyük bankının ən az 200 mln. manat kapital cəlb edilməsi üçün dekabrın 12-də başlamış aksiya yerləşdirməsi yanvarın 16-da ilk bəhrəsini verib. 51 nəfərdən ibarət bir qrup səhmdar nominal üzrə 8 175 418 səhm alıb.
Bakı Fond Birjasının yaydığı məlumata görə, yerləşdirmə həcmi 2 125,6 min manat təşkil edib. Ötən ilin oktyabrında ABB səhmdarları növbədənkənar toplantıda nizamnamə kapitalının 4 il ərzində 500 mln. manat, o cümlədən ilk mərhələdə 200 mln. manat artırılması haqqında qərar qəbul ediblər.
Bankın hazırki səhmdarları (1800-dən çox fiziki və hüquqi şəxs) 4 ay ərzində səhmlərin alınmasında üstün hüquqlarından istifadə etməlidirlər. Qiymətli kağızların tam yerləşdirilməsi üçün daha iki ay nəzərdə tutulub.
Emissiya anında ABB-nin yerləşdirilmiş səhmlərinin miqdarı hər birinin nominal dəyəri 0,26 manat olan 1 mlrd. 416 mln. 666,6 min ədəd səhm təşkil edib. Elan edilmiş səhm buraxılışı zamanı 769 230 775 səhm yerləşdiriləcək.
Bankın ödənilmiş nizamnamə kapitalı 368,3 mln. manat təşkil edir. Azərbaycan hökuməti Maliyyə Nazirliyinin şəxsində səhmlərin 50,2%-i ilə bank üzərində nəzarəti öz əlində saxlayır. Ondan başqa heç kim bankda səhmlərin 10%-dən çoxuna malik deyil. -08D-
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz