![Ekspert hesab edir ki, hökumətin aqrar sektorun inkişafına yanaşması düzgün deyil](https://turan.az/resized/media/2014/main/011700065807-750-500-resize.webp)
Ekspert hesab edir ki, hökumətin aqrar sektorun inkişafına yanaşması düzgün deyil
Yanvarın 16-da prezident İlham Əliyev “Kənd təsərrüfatı və ərzaq məhsulları bazarının fəaliyyətinin təkmilləşdirilməsi sahəsində əlavə tədbirlər haqqında” sərəncam imzalayıb. Ekspertlər hesab edirlər ki, hökumətin aqrar sektorun inkişafına dair mövqeyi o qədər də düzgün deyil.
Sənəddə hökumət faktiki olaraq aqrar siyasətdəki ciddi problemlərin olmasını, strateji məqsədlərin müəyyən edilməsini, həmçinin kənd təsərrüfatı statistikasının aparılmasında, kənd təsərrüfatı məhsullarının bazara çıxarılması və onların ixracında nöqsanların olmasını, qeyri-sağlam rəqabətin olmamasını, kənd təsərrüfatı məhsullarının qiymətlərinin süni artılılmasını etiraf edir.
“İqtisadi Təşəbbüslərə Yardım” İctimai Birliyinin sədr müavini Rövşən Ağayev Turan-a bildirib ki, hökumət aqrar sektor problemini inzibati yolla həll etmək istəyir. Lakin beynəlxalq praktika göstərib, bu sektorun inkişaf kompleks yanaşma olmadan mümkün deyl: əsas məsələ kənd olmalıdır, o, inkişaf etmədən kənd təsərrüfatında uğurdan danışmaq çətindir. Onun fikrincə, parlament “Kooperasiya haqqında” qanunun üçüncü oxunuşda qəbulu prosesini, hökumət isə kiçik təsərrüfatların birləşdirilməsinin stimullaşdırılması üzrə tədbirlər planını sürətləndirməlidir. Eyni zamanda ekspert qeyd edir ki, hökumətin iri aqrar təsərrüfatlarının formalaşdırılması üzrə planları ciddi effekt verməyəcək. Praktika göstərir ki, taxılçılıq və heyvandarlıq təsərrüfatlarının arxasında məmurlar dayanır. Davamlı inkişaf üçün hökumət kiçik və orta təsərrüfatları dəstəkləməli, həmçinin sahə proqramları, o cümlədən torpaqların şoranlaşdırılmasına dair sənəd qəbul etməlidir.
Qeyd edək ki, prezident üç ay ərzində “aqrar sənaye kompleksinin inkişafı strategiyası”nın, kənd təsərrüfatında kooperasiyanın inkişafı üzrə təkliflərin hazırlanması, Kənd Təsərrüfatı Nazirliyində restrukturizasiya barədə göstəriş verib. Bakıda və digər iri şəhərlərdə özəl “fermer mağazaları” və “yaşıl marketlər” yaradılacaq.
2008-ci ildə dövlət başçısı “Əhalinin ərzaq məhsulları ilə etibarlı təminatı” haqqında Dövlət Proqramını təsdiqləyib. Proqramın reallaşması 2015-ci ildə başa çatır. Lakin hökumət həmin sənədlə müəyyən edilmiş bir çox vəzifələri, o cümlədən əsas kənd təsərrüfatı bitkiləri və heyvandarlıq məhsulları üzrə ərzaq təhlükəsizliyini, həmçinin ixrac potensialının genişləndirlməsini təmin edə bilməyib. 08B
-
- İqtisadiyyat
- 17 Yanvar 2014 14:51
-
- İqtisadiyyat
- 17 Yanvar 2014 16:05
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz