Xızı rayonunun Yeni Yaşma kəndində tikilmiş Külək Parkında külәk turbini işә salınıb.
İlk gündə 5 meqavatt elektrik enerjisi istehsal edilib. Layihə gücü 50 MVt olan külәk parkında bütün stansiya tam sınaqdan keçirilib.
Alternativ və Bәrpa Olunan Enerji Mənbələri üzrə Dövlət Agentliyi (ABOEMDA) bildirir ki, cəmi 20 belə turbin istifadəyə veriləcək. Qurumun sədr müavini Cəmil Məlikova istinadən məlumat verilir ki, hər turbinin işə salınmasına 3 gün lazımdır. İlkin tədqiqata görə, 5 ildə ölkədə 100 alternativ və bәrpa olunan enerji mənbəyi istifadəyə veriləcək. 2014-cü ildə bu sektora 63,6 mln vəsait qoyulub. Bunun 34,9 mln-u günəş, 28,7 mln-u külək enerjisinə yönəldilib. 2000-ci ildən sahəyə 800 mln investisiya qoyulub.
Alternativ və Bәrpa Olunan Enerji Mənbələri üzrə Dövlət Agentliyi 2013-cü ilin fevralında yaradılıb. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz