YNH pozanları AVSMMİS üzrə bahalı müqavilə gözləyir

İcbari Sığorta Bürosu ötən il 298 min 932 nümunəvi sürücü aşkarlayıb. Onlar indi avtonəqliyyat vasitələri sahiblərinin mülki məsuliyyətinin icbari sığortası polisi əldə edəndə güzəşt qazanacaq.  2014-cü ildə sığorta müqaviləsini yeniləyən 106,580 minə yaxın sığortalıya sığorta haqqının 10% -i qədər,  192,352 minə yaxın sığortalıya sığorta haqqının 5% -i qədər güzəşt əmaslı tətbiq ediləcək. 

Pozucuları (7 min 635 avtomobil sahibi) AVSMMİS üzrə yeni müqavilə ilə cərimə gözləyir 0,25 əmsal 4 min 963 nəfəri gözləyir. 2 min 413 nəfər 60% çox ödəyəcək. 192 nəfər iki dəfə artıq ödəyəcək, 45 nəfərə isə 2,45 əmsalı tətbiq ediləcək. Ən qeyri-adekvatlar (22 nəfər) 3 dəfə artıq ödəniş edəcək. 

Dövlət Sığorta Nəzarəti Xidmətinin məlumatına görə, «bonus – malus» 15 yanvar 2013-cü ildən tətbiq edilir. 

16 dekabr 2011-ci ildən AVSMMİS polisi yeni tarif və şərtlərlə satılır. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. 

Avtobuslar, mikroavtobuslar və onların   bazasında istehsal edilmiş digər avtonəqliyyat vasitələri – sərnişin yerlərinin sayına görə 9-dan 16-dək 3 əmsalı, 16 yerdən çox olanda 4 əmsalı artırılır.

Yük avtomobiləri üçün əmsal 3-5 arasıdır. 

Motosikl, traktor və başqa kənd təsərrüfatı texnikası üçün əmsal minimaldır. 

AVSMMİS üzrə sığorta haqqı müəyyən ediləndə də bonus-malus nəzərdə tutulub. 

Qanuna görə əmlaka dəyən ziyana görə 5 min manat,  bir şəxsin sağlamlığına dəyən ziyana görə 5 min manat, bir sığorta hadisəsi üzrə maksimum 55 min manat ödənilir. --17D—