Yod istehsalı azalıb

Bu ilin 4 ayında Azərbaycanda 49.3 ton yod istehsal edilib. Bu, ötən ilin eyni dövründəkindən 42,5% azdır. Mütəxəssisələr azalmanı xırda kristallı yodun (əsas maddənin minimal olması 90% və 99.5%) qiymət dinamikası ilə izah edirlər. Bu sahədə əsas oyunçular Çili və Yaponiyadır.

Azərbaycanda yod istehsalçısı “Azər-Yod” MMC-dir (“İSR Holding”in törəməsi). Şirkət MMC-yə çevrilən keçmiş “Neftçala Yod-Brom” ASC-nin bazasında fəaliyyət göstərir. O, Avropada ən böyük yod ehtiyatına malikdir. 2013-cü ildə şirkət 293 ton yod istehsal edib. İstehsal həcmi 3,6% (DSK-nın məlumatı) artıb.

 2015-ci ildə “Azər-Yod” MMC-nin AYİB-dən 2008-ci ildə aldığı krediti tam ödəyəcəyi gözlənilir. $15 mln məbləğində kredit 5 illiiyə ayrılmışdı, sonradan iki il də uzadıldı. Zavodun modernləşdirilməsi layihəsinin qiyməti $20 mln idi, deyə şirkətin təmsilçisi Fərhad Səttarov Turan-a bildirib. AYİB-in krediti ilə istehsal gücü ildə 500 tona çatdırılmalı idi. Hələlik bu həcm 350 tondur. Əsas idxalçılar ÇXR və Hindistandır.

Dünyada yod istehsalı həcmi 2007-ci ildə 28 min ton olub. 08B