Yunanıstan Avrokomissiyanı DESFA-dakı payın SOCAR-a satılmasını gecikdirməkdə ittiham edib
Yunanıstanın ətraf mühit və energetika naziri Panos Skurletis bu ölkənin qazpaylayıcı şəbəkəsinin operatoru olan DESFA şirkətinin özəlləşdirilməsi məsələsinin hələ də baş tutmamasına görə Avropa Komissiyasını günahlandırıb, deyə Yunanıstan KİV-i yazır.
Yunan nazir parlamentdə çıxışı zamanı deyib ki, Avrokomissiyanın bir sıra prosedurları qaz operatorunun özəlləşməsini ləngidir. SOCAR-ın gələcək payı olan 66%-in 49%-ə kimi azaldılması operatorun idarəçiliyində söz sahibi olmayan passiv səhmdara çevrilməsi ilə nəticələnəcək.
Müxalif deputatlar bildiriblər ki, bu problemlər Yunanıstan iqtisadiyyatını SOCAR-ın gələcəkdə yatıracağı maliyyədən məhrum edəcək.
Xatırladaq ki, 2013-cü ildə DESFA-nın səhmlərinin 66%-nin satılması ilə bağlı keçirilən beynəlxalq tenderdə 400 mln. avro təklif edən SOCAR qalib gəlib. SOCAR Yunanıstan hökumətindən 31%, Hellenic Petroleumdan tam paket -35% alacaq.—0--
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz