Yunanıstan DESFA qazpaylayıcı şirkətini dövlət nəzarətində saxlamaq niyyətindədir. Bu barədə Yunanıstan KİV-ləri ölkənin istehsal islahatları, ətraf mühit və energetika naziri Panayotis Lafazanisə istinadən məlumat verir. Nazir cümə axşamı DEPA və DESFA müəssisələrinin əməkdaşları ilə görüşü zamanı bildirib.
KİV-lərin məlumatına əsasən, müəssisə işçilərinin nümayəndələri DEPA və DESFA şirkətlərinin hər hansı şəkildə özəlləşdirilməsinin əleyhinə olduqlarını bildiriblər və bu şirkətlərin satışının iqtisadiyyata, istehlakçılara və məşğulluğa ciddi mənfi fəsadlarla nəticələnəcəyini deyiblər. Onlar habelə sabiq hökumətin təbii qazın paylaşdırılması bazarının liberallaşdırılması siyasəti ilə razı olmadıqlarını, bunun istehlakçılar üçün kəskin bahalaşma ilə nəticələnəcəyindən narahat olduqlarını bildiriblər.
«Lafazanis deyib ki, DEPA şirkəti dövlət mülkiyyətində və dövlət nəzarətində qalmalıdır və qalacaq. DESFA şirkətinə gəlincə isə, Avropa Komissiyasının Rəqabət üzrə Baş Direktorluğu qərar verdikdən sonra müəssisənin nəzarət paketinin dövlət nəzarətində qalması istiqamətində səylər göstəriləcək”, deyə məlumatda bildirilir.
DEPA və DESFA-nın satışı bu ölkənin özəlləşdirmə proqramının əsas bəndlərindən biridir. Yunanıstan onların satışından 1,5 mlrd. avroya yaxın vəsait əldə etməyi nəzərdə tuturdu.
2013-cü il iyulun 31-də Yunanıstanın Dövlət Əmlakının İdarə Edilməsi Fondu (Hellenic Republic Asset Development Fund, HRADF) DESFA qazpaylayıcı şirkətinin 66%-lik səhm paketinin Azərbaycan Dövlət Neft Şirkəti tərəfindən 400 mln. avroya alınmasına dair sövdələşməni təqdir edib. 2013-cü ilin dekabr ayında ARDNŞ ilə Yunanıstanın Dövlət Özəlləşdirmə Fondu və “Petroleum” şirkəti arasında “Səhmlərin Alqı-Satqı Müqaviləsi” və “Səhmdarlar haqqında Müqavilə” imzalanıb.
Sonradan Yunanıstanın energetika naziri Papaqeorqiu bəyan edib ki, SOCAR-ın DESFA-dakı payı sonralar 66%-dən 49%-ə azaldıla bilər.
Öz növbəsində SOCAR prezidenti Rövnəq Abdullayev bəyan edib ki, ARDNŞ DESFA-nın səhmlərinin 66%-nin alınması üzrə tenderin qalibi olub.
Yunanıstan qanunvericiliyinə və Aİ-nin energetika paketinin III direktivinə əsasən, Avropa Komissiyası bu sövdələşməyə dair yekun razılıq qərarı qəbul etməlidir. Avropa Komissiyasının müvafiq qərarı 2015-ci ilin sonuna qədər qəbul etməsi gözlənilir. -0—
İqtisadiyyat
-
Türk Dövlətləri Təşkilatının (TDT) Ticarət-Sənaye Palataları İttifaqı (TSPİ) 26 dekabr tarixində Bakıda Baş Assambleyasını keçirdi, üzv dövlətlər arasında dinamik iqtisadi artımı və dərinləşən inteqrasiyanı önə çəkdi. Azərbaycan və TDT-nin digər üzv dövlətlərini təmsil edən iş dünyası və dövlət rəhbərləri ticarət, investisiya və regional əlaqə layihələrini müzakirə etdilər.
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
Rəy yaz