Afina TAP ( Trans Adriatic Pipeline) qaz kəmərində pay, qazın tranzitinə görə illik ödəniş və Azərbaycandan idxal olunan qazın qiymətinin azaldılmasını istərdi. Bu barədə Yunanıstan KİV ölkənin Energetika Nazirliyindəki mənbələrə isnadən bildirib.
Çərşənbə günü nazir Panayotis Lafazanis “Cənub” qaz dəhlizi üzrə Məşvərət Şurasının iclasında iştirak etmək üçün Bakıya gəlib.
Bu gün o, prezident İlham Əliyevlə, TAP-ı inşa edən şirkətlər konsorsiumunun iştirakçıları ilə görüşüb. Görüş zamanı Yunanıstanın yeni hökumətinin tələbləri müzakirə olunub.
Nazirin Bakı səfərində müzakirələrin başqa bir mövzusu da DESFA milli qazpaylaşdırıcı şirkətin taleyi olacaq. Məlum olduğu kimi, Yunanıstann yeni hökuməti Azərbaycanın DESFA şirkətini alması haqda əldə olunmuş razılaşmanın əleyhinə çıxıb.
Hökumətdəki mənbələr bildiriblər ki, Afina əvvəl danışıldığı kimi şirkətin 66%-ni deyil, 49%-dən çox olmamaqla satmağa hazırdır. -12D-
İqtisadiyyat
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
-
Azərbaycan investisiyaların artırılması, investisiya mühitinin yaxşılaşdırılması və bilik və bacarıqların inkişaf etdirilməsi yolu ilə "orta gəlir tələsi"ni aşa bilər. Bu barədə iqtisadiyyat nazirinin müavini Səməd Bəşirli Bakıda Dünya Bankının Qlobal Hesabatı Dünya İnkişaf Hesabatı – 2024 (WDR) təqdimatında bildirib.
-
Avropa və Mərkəzi Asiya ölkələri yalnız investisiyaları cəlb etməməli, həm də davamlı iqtisadi artımı təmin etmək üçün texnologiyanı aktiv şəkildə uyğunlaşdırmalı və yaymalıdır, - Dünya Bankının region üzrə baş iqtisadçısı İvaylo İzvorski bildirib. Dünya İnkişaf Hesabatı 2024 təqdimatında çıxış edən İzvorski, özəl sektorun inkişafını ləngidən struktur problemlərini vurğulayıb.
-
Azərbaycan yüksək gəlirli ölkələr qrupuna keçməyə hazırdır, Mövsümov bildirib ki, 1990-cı illərdən bəri bu keçidi uğurla reallaşdıran cəmi dörd ölkə olub. "Bu, asan bir vəzifə deyil, amma biz buna hazırıq. İqtisadiyyatımızı daha da şaxələndirməsək, lider mövqeyimizi qorumaqda çətinlik çəkərik," – o deyib.
Rəy yaz