![Yuri Yakovlev Bank VTB (Azərbaycan) ASC-nin İdarə Heyətinin sədri təyin olundu](https://turan.az/resized/media/2014/main/073100085597-750-500-resize.webp)
- İqtisadiyyat
- 31 İyul 2014, 13:07
- 108
Yuri Yakovlev Bank VTB (Azərbaycan) ASC-nin İdarə Heyətinin sədri təyin olundu
Bank VTB (Azərbaycan) ASC-nin Müşahidə Şurasının qərarı ilə Yuri Yakovlev İdarə Heyətinin sədri vəzifəsinə təyin olunmuşdur. Yeni rəhbər öz vəzifələrinin icrasına 2014-cü ilin iyul ayından Azərbaycan Respublikasının Mərkəzi Bankında attestasiyadan keçdikdən sonra başlamışdır.
Yuri Yakovlev VTB Qrupunda 2006-cı ildən işləyir, 2011-ci ildən Nyu-Dehli şəhərində VTB bankın filialına başçılıq etmişdir.
VTB prezidenti - İdarə Heyəti sədrinin birinci müavini Vasiliy Titov demişdir: “Yuriy Dmitriyeviç maliyyə sektorunda zəngin təcrübəyə malikdir. O, qarşıya qoyulmuş məsələlərin həllindən uğurla gəlmiş, Bank VTB-nin Hindistandakı fililalının işinin səmərəliliyini təmin etmişdir. Biz əminik ki, onun rəhbərliyi altında Bank VTB (Azərbaycan) biznesin fəal inkişafını davam etdirəcək, əsas maliyyə göstəriciləri üzrə müsbət dinamikaya nail olacaqdır”.
* Yakovlev Yuri Dmitriyeviç 1957-ci ildə anadan olmuşdur. Ali təhsillidir (Rusiya Federasiyası XİN-in Diplomatiya akademiyasının məzunudur) və iqtisadiyyat üzrə elmləri namizədi elmi dərəcəsinə sahibdir. Beynəlxalq ticari-iqtisadi münasibətlər sahəsində nüfuzlu mütəxəssisdir. Y.Yakovlev əmək fəaliyyətinə 1978-ci ildə başlamışdır. 1980-ci ildən 2003-cü ilədək o, SSRİ Mədəniyyət Nazirliyində, RF-nin Xarici-iqtisadi əlaqələr nazirliyində, həmçinin RF-nin Xarici İşlər Nazirliyində müxtəlif vəzifələrdə, o cümlədən rəhbər vəzifələrdə çalışmışdır. Cənubi Asiya ölkələrində bir sıra iri həcmli beynəlxalq investisiya layihələrinin hazırlanması və gerçəkləşməsində iştirak etmişdir. Eyni zamanda Y. Yakovlev kredit təşkilatlarında böyük iş təcrübəsinə malikdir. Belə ki, 2003-cü ildən və 2006-cı ildə VTB-yə keçənədək o, İnvestisiya Kommersiya Bankı “Russkiy İnvestisionniy Alyans” MMC-də Xarici ticarət əməliyyatları və müxbir münasibətlər idarəsinin rəisi və sonradan İdarə Heyəti sədrinin müşaviri vəzifəsində çalışmışdır.
Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və “AtaHolding” ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 6 filial və Baş ofisdə yerləşən Müştəri xidmətləri idarəsi ilə təmsil olunub. ®
-
- İqtisadiyyat
- 31 İyul 2014 14:52
İqtisadiyyat
-
Azərbaycan Prezidenti İlham Əliyev 2023-cü il iyulun 14-dən qüvvəyə minəcək “Ödəniş xidmətləri və ödəniş sistemləri haqqında” yeni qanuna uyğunlaşdırılması məqsədi ilə Prezidentin qüvvədə olan sərəncamlarında mühüm dəyişikliklər edilməsi haqqında fərman verib.
-
Azərbaycan prezidenti İlham Əliyev sektorun infrastrukturunun və investisiya bazasının yaxşılaşdırılması istiqamətində görülən geniş tədbirlər çərçivəsində turizm və rekreasiya zonalarını tənzimləyən yeni qaydaları təsdiq edib.
-
Azərbaycan dəniz külək enerjisinin inkişafı strategiyasının bir hissəsi kimi dəniz külək enerjisi potensialının ölçülməsinə başlayıb. 2022-2026-cı illərdə Azərbaycan Respublikasının Sosial-İqtisadi İnkişaf Strategiyasında ətraflı əksini tapmış bu səylər irəliyə doğru gedir və müəyyən edilmiş ərazilərdə ilkin ölçmə işləri yekunlaşmaq üzrədir.
-
Şuşa şəhərdaxili nəqliyyat üçün ilk sərnişin avtobusunu təqdim edib və bu, daha ekoloji təmiz şəhər nəqliyyat sisteminə doğru bir addım idi.
Rəy yaz