AMB özəl kredit bürosu ilə rəqabətinin nəticəsini açıqlayıb
AMB özəl kredit bürosu ilə rəqabətinin nəticəsini açıqlayıb
2023-cü ildə təxminən 64 min ölkə vətəndaşı Azərbaycan Mərkəzi Bankının (AMB) Mərkəzləşdirilmiş Kredit Reyestri Sistemindən kredit tarixçəsini əldə edib.
Bu barədə AMB-nin açıqlamasında bildirilir.
Məlumatda deyilir ki, onlara təqdim olunan kredit hesabatlarının sayı təxminən 201 min olub. Başqa sözlə, bir vətəndaş il ərzində orta hesabla 3 dəfə kredit tarixçəsi ilə maraqlanıb.
AMB fiziki şəxslərə kredit tarixçəsini əldə etmək imkanını düz 1 il bundan əvvəl - ötən il yanvarın 9-da yaradıb. Vətəndaşlar real vaxt rejimində Elektron Xidmətlər Portalında yeni yaradılmış səhifəyə (http://accr-portal.e-cbar.az) “Asan Login” vasitəsilə daxil olaraq ödənişsiz şəkildə öz kredit tarixçələrini nəzərdən keçirə bilərlər (say məhdudiyyəti yoxdur). AMB yeni xidməti ilə həm də kredit tarixçələrini ödənişli təqdim edən, 8 kommersiya bankının birgə yaratdığı “Azərbaycan Kredit Bürosu” (ölkənin ilk özəl kredit bürosu) ilə rəqabətə girib. -0-
Maliyyə
-
2023-cü ildə Azərbaycan Mərkəzi Bankı (AMB) valyuta aktivlərinin idarə edilməsindən rekord məbləğdə - 466,5 milyon ABŞ dolları gəlir əldə edib.
-
2024-cü ilin I yarısında Azərbaycanda vergi daxilolmaları 8,282 milyard manat təşkil edib.
-
2024-cü il iyunun sonuna Azərbaycanın dövlət borcu 25 697 milyon manat və yaxud 15 115,7 milyon ABŞ dolları təşkil edib.
-
2024-cü ilin I yarısında Azərbaycan hökuməti işğaldan azad olunmuş ərazilərin yenidən qurulmasına və bərpasına 1 953,5 milyon manat vəsait yönəldib.
Rəy yaz