Bank Respublika 2023-cü ildə fermerlərə ən çox kredit ayıran bank oldu!
Bank Respublika 2023-cü ildə fermerlərə ən çox kredit ayıran bank oldu!
Bank Respublika “III Aqrobiznesin İnkişafı Forumunda” yüksək mükafat qazandı
Ötən həftə, Qubada Kənd Təsərrüfatı Nazirliyi yanında Aqrar Kredit və İnkişaf Agentliyi və BMT-nin Ərzaq və Kənd Təsərrüfatı Təşkilatının (FAO) birgə təşkilatçılığı ilə “III Aqrobiznesin İnkişafı Forumu” keçirilib.
Tədbirdə Kənd Təsərrüfatı Nazirliyinin, İqtisadiyyat Nazirliyinin, Kiçik və Orta Biznesin İnkişafı Agentliyinin, Azərbaycan Sahibkarlar Təşkilatları Milli Konfederasiyasının rəhbər şəxsləri, nazirliklərin tabeli qurumlarının, Mərkəzi Bankın, ölkədə fəaliyyət göstərən bankların, həmçinin yerli və beynəlxalq təşkilatların nümayəndələri iştirak ediblər.
Tədbirdə kənd təsərrüfatının maliyyələşdirilməsində uğur hekayələrindən bəhs olunub, uğurla maliyyələşdirmə əldə etmiş və əməliyyatlarını genişləndirmiş yerli təsərrüfatların və ya aqrobizneslər barədə video təqdimatlar keçirilib. Daha sonra kənd təsərrüfatında dövlət dəstəyinin təmin edilməsində, kiçik və orta fermerlərin istehsal vasitələri ilə təmin olunmasında, fermerlərin dövlət vəsaiti hesabına kreditləşməsində, aqrar maliyyələşmə sahəsində yeni innovativ məhsulların təqdim edilməsində iştirak edən müvəkkil kredit təşkilatlarına mükafatlar təqdim olunub.
Ölkəmizdə sahibkarlığın və xüsusilə də kənd təsərrüfatının inkişafına və maliyyələşməsinə böyük dəstək verən Bank Respublika “2023-cü ildə say və məbləğcə fermerlərə ən çox kredit ayıran bank” nominasiyasında mükafat qazanıb.
Qeyd edək ki, Bank Respublika ötən il Aqrar Kredit və İnkişaf Agentliyi, Sahibkarlığın İnkişafı Fondu və İpoteka və Kredit Zəmanət fondu ilə aktiv əməkdaşlıq edərək fermerlərə ən böyük həcmdə güzəştli kredit təqdim etmişdir.
Daha ətraflı məlumatı bankın rəsmi saytında, facebook, instagram, linkedin, telegram səhifələrində və ya Bankın Çağrı Mərkəzinə 144 nömrəsinə zəng edərək əldə edə bilərsiniz. ®
Maliyyə
-
2021-2024-cü illərdə Azərbaycanın işğaldan azad edilmiş ərazilərinin bərpasına dövlət büdcəsindən 10 milyard ABŞ dollarından artıq vəsait ayrılıb ki, bu da Hesablama Palatasının qarşısında yeni vəzifələr müəyyən edir.
-
Oktyabrın 3-də Bakıda Ali Audit Qurumlarının Avropa Təşkilatının (EUROSAI) Ətraf Mühitin Auditi üzrə İşçi Qrupunun (WGEA) illik toplantısı işə başlayıb.
-
“Caspian Equipment Company” səhmdar cəmiyyəti (mühərrik və sürtgü yağları, akkumulyator, şin, filtr və digər ehtiyat hissələri satır) 0,1 milyon manatlıq səhm emissiyası elan edib.
-
Rəqəmsal İnkişaf və Nəqliyyat Nazirliyinin tabeliyindəki “Bakı Telefon Rabitəsi” (“Baktelekom”) şirkəti 96 əməkdaşının və ailə üzvlərinin könüllü tibbi sığortalanması üçün açıq tender keçirir.
Rəy yaz