Фото из открытых источников
Bank Standardın 150 min kreditora borcu milyard manatı keçib
Bakı/12.05.17/Turan:"Bank Standard"ın Kreditorlar Komitəsinin iki iclasında məlum olub ki, bankın sağlam aktivləri kreditorlar bi yana, Əmanətlərin Sığortalanması Fonduna borcu ödəməyə kifayət deyil. Bu barədə Turan-a Kreditorlar Komitəsinin sədri, bank eksperti Əkrəm Həsənov məlumat verib.
Əmanətlərin Sığortalanması Fondunun özünün məlumatına görə, bankın sağlam aktivləri 400 mln manatdan çox deyil. Amma KPMG auditor şirkətinin rəyinə görə, aktivlər iki dəfə azdır. Eləcə də məlum olub ki, "Bank Standard"ın ümumi öhdəlikləri 1 milyard 200 min manata yaxındır. ADİF-in məlumatına görə, bankın 150 min kreditoru var.
"Bank Standard"ın Əmanətlərin Sığortalanması Fonduna 445 mln manat borcu var. Bu vəsaiti ADIF Mərkəzi Bankdan sığortalanan əmanətlər üzrə kompensasiya vermək üçün borc alıb və onu AMB-yə qaytarmalıdır. "Bank Standard"ın sağlam aktivlərinin öhdəliyi ilə müqayisəsi deməyə əsas verir ki, bankın vəsaiti kreditorlara, ilk növbədə ADİF-ə borcunu qaytarmağa imkan vermir.
"Banklar haqqında" qanuna əsasən, bank ləğv ediləndə kreditorların növbəsi olur. Ardıcıllığa əsasən, dövlət ikincidir və yalnız beşinci növbədə bank fiziki və hüquqi şəxslərin, şirkətlərin və s öhdəliklərini qaytarır. ADİF-in icraçı direktoru Azad Cavadov etiraf edib ki, bankın sağlam aktivləri başqa kreditorlar qarısında öhdəlikləri yerinə yetirmək üçün kifayət etmir", - deyə Həsənov qeyd edib və əlavə edib ki, bankın 30 mln manat məbləğində əmlakı Mərkəzi Banka kredit kimi qoyulub.
Həmçinin aydın olub ki, bankın verdiyi təmin edilməmiş kreditlər 800 mln manatlıq kredit portfelinin 443 mln manatını təşkil edir.
Əmanətlərin Sığortalanması Fondu maliyyə hesabatı və bankın ləğv edilməsi planını təqdim etməyib. Amma kreditorlar "Bank Standard"ın maliyyə vəziyyəti barədə tam informasiya almaqda israrlıdır. Belə bir qərar komitənin son iclasında qıəbul edilib.--0--
-
- Maliyyə
- 12 May 2017 18:47
Maliyyə
-
Auditorlar Palatası 2023-cü ilin yekunları ilə bağlı maliyyə göstəricilərini açıqlayıb. Palata ötən il 0,16 milyon manat mənfəət əldə edib.
-
2024-cü ilin yanvar-iyul aylarında Azərbaycanda kreditlərin sığortası üzrə 2 657,7 min manat sığorta haqqı toplanılıb.
-
“Qala Sığorta” şirkəti İqtisadiyyat Nazirliyinin tabeliyindəki İxracın və İnvestisiyaların Təşviqi Agentliyinin (AZPROMO) nəqliyyat vasitələrinin tam könüllü (KASKO) sığortası ilə bağlı elan edilmiş açıq tenderin qalibi olub.
-
Azərbaycan Mərkəzi Bankı (AMB) Latviyanın "Sun Finance Cetral Asia AS" şirkətinin törəmə strukturu – “SF Azerbaijan” bank olmayan kredit təşkilatının (BOKT) vəzifəli şəxsini inzibati məsuliyyətə cəlb edib.
Rəy yaz