İflasa uğramış 11 bankın əmanətçilərinə 747 mln. 881 min manat ödənilib

Bakı/12.09.17/Turan: Əmanətlərin Sığortalanması Fondu iflasa uğramış 11 bankın əmanətçilərinə 747 mln. 881 min manat ödəyib.

"Bank Standard"da qorunan əmanətçilərə ümumilikdə 437 milyon 689 min manatdan artıq kompensasiya (ümumi kompensasiya öhdəliyinin 99,2 %-i) ödənilib. 3 milyon 465 min manat ödənilməmiş kompensasiya qalıb.

"Yunayted Kredit Bank" 1 milyon 837 min manatdan artıq kompensasiya ödəyib, 262 min 485 manat qalır. "Bank of Azerbaijan" 24 mln. 191 min manat (97%), "Gəncəbank" 976 min 441 manat (94%) ödəyib.

Bundan əlavə, "Texnikabank" əmanətçilərə 120 mln. 408 min manat (98,2%), "Parabank" 43 mln. 222 min manat (98,5%), "Zaminbank" 72 mln. 196 min manat (99,3%), "Kredobank" 27 mln. 914 min manat (99,6%), "Dekabank" 3 mln. 88 min manat (98,8%), "Atrabank" 14 mln. 352 min manat (98,2%), "Qafqaz İnkişaf Bankı" 2 mln. 4 min manat (95,9%) ödəyiblər. -71D-