�Paşa həyat sığorta� sığorta yığımı, �Atəşgah həyat� isə ödəmələr üzrə liderdir

Bakı/12.09.17/Turan: "Paşa həyat sığorta" şirkəti 2017-ci ilin ilk yeddi ayı ərzində Azərbaycanda sığorta yığımı üzrə lider olub. Şirkət 89 mln. 261,943 min manat toplayıb. Siyahıda ikinci yerdə "Paşa sığorta" (73 mln. 787,220 min manat), üçüncü yerdə "Atəşgah sığorta" (22 mln. 738,635 min manat) gəlir.

Hesabat dövründə sığorta ödənişlərinə görə lider "Atəşgah həyat" şirkəti olub. Şirkət 30 mln. 517,856 manat ödəyib. Sonra "Paşa həyat sığorta" (27 mln. 907,615 manat) və "Paşa sığorta" (24 mln. 323,390 min manat) gəlir.

Ümumilikdə, yanvar-iyul aylarında sığorta şirkətləri 322 mln. 830,059 min manat toplayıblar, 144 mln. 008,840 min manat ödəyiblər.

Könüllü sığorta bazarı ötən ilin analoji dövrü ilə müayisədə 14 mln. 333 min manat artaraq 223 mln. 458 min manat təşkil edib. Sığortanın bu növü üzrə ödənişlər 113 mln. 320 min manat təşkil edib. -71D-