Vergilər Nazirliyində vergi potensialından maksimum istifadəyə dair tədbirlər planı qəbul edilib

Bakı/12.09.17/Turan: Vergilər naziri Fazil Məmmədov bu ilin sonunadək büdcə proqnozlarnın təminatı üzrə tədbirlər planını təsdiqləyib. Sənəd vergi daxilolmalarının davamlı artımının təmin edilməsinə və mövcud vergi potensialından maksimum istifadəyə yönəlib. Bu barədə nazirliyin mətbuat xidmətinin məlumatında bildirilir.

Bu ilin səkkiz ayında Vergilər Nazirliyinin xəttilə 4 mlrd. 671,3 mln. manat vergi və dövlət rüsumu yığılıb ki, bu da proqnoz göstəricisini 0,1% üstələyir. 2016-cı ilin müvafiq dövrü ilə müqayisədə vergi nümayəndələri daxilolmaları 7,3% artırıb.

Sentyabrın 9-da nazirliyin kollegiya iclasındakı çıxışında nazir F.Məmmədov bildirib ki, daxilolmaların həcminin artırılması bu il vergi qanunvericiliyinə və və digər qanunvericilik aktlarına edilən dəyişikliklərlə əlaqədardır.

Tədbirlər planı 2017-i il üçün büdcə göstəricilərinin təminatı üzrə tədbirləri və vergi inzibatçılığının təkmilləşdirilməsi üzrə fəaliyyəti əhatə edir. Plana aşağıdakılar daxildir:

- vergi borclarının alınmasına dair işlərin sürətləndirilməsi;

- səyyar vergi yoxlamaları zamanı aşkar edilən vergidən yayınma hallarının vergiödəyiciləri tərəfindən bərpa edilməsi;

- nağd hesablaşmalar aparan vergi ödəyiciləri üzrə vergidən yayınma hallarının təhlil edilərək qanuna müvafiq tədbirlərin görülməsi,

- vergilərin vaxtında və tam yığılması üzrə qabaqcıl metodlardan istifadə edilməsi.

2017-ci ildə Vergilər Nazirliyi dövlət büdcəsinə 7 mlrd. 645 mln. manat yığımı təmin etməlidir. 08D