Bakı/12.09.17/Turan: Dövlət Gömrük Komitəsi (DGK) bu ilin avqustunda dövlət büdcəsinə 280,1 mln. manatın köçürülməsini təmin edib. Ötən illərin təhlili göstərir ki, bu, idxal-ixrac əməliyyatları üzrə ən yüksək göstəricidir.
DGK 2016-cı ilin avqustunda 244 mln. manat həcmində gömrük vergisi və rüsum yığıb. Əvvəlki fiskal rekord bu ilin iyulunda müəyyən edilib - 256,6 mln. manat.
Sentyabrın 1-nə olan vəziyyətə görə, xarici ticarət subyektləri tərəfindən dövlət büdcəsinə 1,7 mlrd. manat köçürülüb ki, bu da 2016-cı ilin müvafiq dövrü ilə müqayisədə 19,7% çoxdur.
İqtisadçı Samir Əliyev hesab edir ki, dövlət büdəsinə gömrük daxilolmalarının artımının səbəbini gömrük-keçid məntəqələrində idxal prosedurunun sadələşdirilməsi və idxalın əvvəlki illərlə müqayisədə daha dəqiq uçota alınması ilə əlaqələndirmək olar.
Onun fikrincə, artım əsasən gömrük rüsumları və idxal mallarına tətbiq edilən ƏDV-nin əhəmiyyətli artması hesabına baş verib. Digər vergilər (aksiz və yol vergiləri) üzrə isə əksinə azalma baş verib.
"2016-cı ildən başlayaraq idxal prosedurun sadələşdirilməsi və idxalın daha dəqiq uçota alınması müşahidə olunur. Əvvəlki illərdə idxalın müəyyən hissəsi ölkəyə qeyri-rəsmi daxil olurdu. Bundan başqa digər amillər də var ki, onlar az da olsa gömrük yığımını artırıb.
Bunlardan biri Nazirlər Kabinetinin 2016-cı ilin sonunda bəzi mal qrupları üzrə (meyvə, tərəvəz, içkilər və s.) idxal rüsumunu 2 il müddətinə artırması ilə bağlıdır.
Dövlət büdəsinə əsasən 2017-ci ildə DGK-nın xəttilə 2 mlrd. 300 mln. manat yığmaq planlaşdırılır ki, bu da əvvəlki ildə olduğundan 100 mln. manat çoxdur.--08B--
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz