Açiq mənbələrdən foto.
Azərbaycan Milli Elmlər Akademiyası "Türk dünyasının coğrafiyası və etnosu" üççildliyini nəşr edib
Bakı/17.05.21/Turan: Azərbaycan Milli Elmlər Akademiyası "Türk dünyasının coğrafiyası və etnosu" üççildliyinin onlayn təqdimatını keçirib.
Coğrafiya İnstitutu alimlərinin təqdim etdikləri nəşrin təqdimatında müxtəlif türkdilli ölkələrdən olan tədqiqatçılar iştirak ediblər, - Azərbaycan Milli Elmlər Akademiyasından Turan-a bildirilib.
Coğrafiya İnstitutunun direktoru, akademik Ramiz Məmmədov deyib ki, kitabda türk dünyasının coğrafi mövqeyi və tarixi coğrafi mahiyyəti ilə yanaşı, ərazinin geologiyası və geomorfologiyası, iqlimi, daxili suları, torpaq-bitki örtüyü, təbii zonaları və ekoloji problemləri araşdırılıb, həmçinin türk dünyasının dövlət və inzibati qurumlarının fiziki-iqtisadi problemləri ayrıca təhlil edilib.
Ramiz Məmmədov İnstitutun alimlərinin əsərlərindən ibarət "Türk dünyasının coğrafiyası və etnosu"nun biirnci cildi rus dilində çap olunduğunu diqqətə çatdırıb. II və III cildlər nəşrə hazırdır. Coğrafiya İnstitutunda üçcildliyin ingilis dilində kitab şəklində çap olunması istiqamətində də işlər aparılır.
Tədbirdə çıxış edən Azərbaycan Elmlər Akademiyasının vitse-prezidenti, akademik İsa Həbibbəyli bildirib ki, "Türk dünyasının coğrafiyası və etnosu" üççildliyi akademiyada və ölkəmizdə fundamental tədqiqatların mühüm nailiyyətlərindən və əsas göstəricilərindən biri hesab edilməyə layiqdir.
Qazaxıstandan təqdimata qatılan Beynəlxalq Türk Akademiyasının prezidenti Darhan Kıdıralı müasir dünyanın geosiyasi məkanında türk dünyasının rolunun artmasından danışıb. O, türk dünyasının öyrənilməsində üçcildliyin əvəzsiz mənbə olduğunu qeyd edib.
Azərbaycan Elmlər Akademiyasında “Müasir türk dillərində söz formalaşması metodları" kitabının nəşri barədə də məlumat verilir. Müəllifin - Akademiyanın Dilçilik İnstitutunun türk dilləri şöbəsinin aparıcı elmi işçisi Qətibə Mahmudovanın araşdırmasında müasir türk dillərində yeni sözlərin yaradılmasında istifadə olunan metod və üsullara ətraflı nəzərdən keçirilib.
Monoqrafiya filologiya, türkologiya, ümumilikdə linqvistika ilə məşğul olanlar üçün böyük əhəmiyyətə malikdir. Kitab həmçinin gənc dilçi-doktorant və magistrlərə faydalı ola bilər.-0-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz