![Açiq mənbələrdən foto.](https://turan.az/resized/media/2022/main/051600045129-750-500-resize.webp)
Açiq mənbələrdən foto.
Bakı bulvarında “Avropa şəhərciyi”
Bakı/16.05.22/Turan: Şənbə günü Bakı bulvarında Avropa İttifaqının Bakıdakı missiyasının təşkilatçılığı ilə “Avropa şəhərciyi” (EuroVillage 2022) tədbiri keçirilib.
Ziyarətçilər Avropa İttifaqı, onun dəyərləri və fəaliyyəti, o cümlədən Azərbaycanla uzunmüddətli əməkdaşlıq və tərəfdaşlığı haqqında daha çox öyrənmək imkanı əldə ediblər.
Tədbirdə Avropa İttifaqının dəstəklədiyi bir sıra layihə və tədbirlər nümayiş etdirilib.
Avropa İttifaqının Azərbaycandakı səfiri Peter Mişalko deyib: "Avropa şəhərciyi Avropaya açılan pəncərədir, Avropa İttifaqının təşkil etdiyi zəngin mədəniyyət və müxtəliflikləri görmək, öyrənmək və zövq almaq imkanıdır. Biz bu bayramı azərbaycanlı dostlarımızla bölüşməkdən və onlara Avropa İttifaqı və Azərbaycanın birgə qurduqları möhkəm tərəfdaşlıq haqqında məlumat verməkdən məmnunuq”.
Təqdim olunan tədbirlər arasında: musiqi və rəsm dərsləri; üz rəngləmə və mini- qatar səfərləri; uşaq kitabı guşəsi və nağıl qəhrəmanları; “Hamı üçün sağlam həyat tərzi”, “Neftçi” futbol klubunun kapitanı Emin Mahmudov ilə mini futbol, Gənc Avropa səfirlərilə viktorinalar, həmçinin Avropa ölkələri və Azərbaycanın rəqs və musiqi proqramı var.
Ziyarətçilər Avropa ölkələrində təhsil imkanları, o cümlədən regional inkişaf proqramları, səhiyyə və başqa məlumatlar ala biliblər. Axşam müğənnilərin və diceylərin iştirakı ilə konsert olub. -02D-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz