Bakı/02.09.19/Turan: Sentyabrın 2-də saat 11-də "Amburan Moll" otelində "Salam" Beynəlxalq Yeniyetmə Film Festivalı açılıb.
Sentyabrın 5-də başa çatacaq festival "Nərimanfilm" kino şirkəti tərəfindən Azərbaycan Mədəniyyət və Turizm Nazirliyinin və Kinematoqrafçılar İttifaqının dəstəyi ilə keçirilir, bu barədə Turan-a kino şirkətinin artdirektoru Leyla Dostəlizadə bildirib.
Festivalda müxtəlif ölkələrdə çəkilmiş 9 bədii film nümayiş olunacaq, filmləri isə müxtəlif ölkələrin böyük kino xadimləri (Ayaz Salayev, Cəmil Quliyev və s.) ilə msələhətləşən festivalın uşaq iştirakçıları qiymətləndirəcəklər.
Festivalda iştirak üçün "Amburan"a Türkiyə, Ukrayna, Makedoniya, Gürcüstan, Pakistan, Hindistan, Rusiya, İtaliya, Xorvatiya, Almaniya və Azərbaycandan 50 qonaq gəlib. Onlar arasında uşaqlar və onları müşaiyət edən böyüklər var. Azərbaycanı 200-ə yaxın iştirakçı təmsil edir. Festivalda iştirak edən filmlər 12+ yaş işarəsi ilə işarələnib.
Festivala hazırlıq may ayından aparılır, təşkilatçılar Bakı məktəblərində olublar və festivalda iştirak üçün uşaqları seçiblər. Xarici qonaqlar Azərbaycanlı iştirakçıların evlərində qalırlar, - deyə artdirektor əlavə edib. -0-
Mədəniyyət
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
Rəy yaz