Bakı/22.05.18/Turan: Avropa İttifaqının Azərbaycandakı nümayəndəliyi ikinci İmagine tolerantlıq festivalının başa çatdığını elan edib.
Yekun mətbuat konfransında bildirilib ki, festival çərçivəsində 12 ölkədən 37 film nümayiş olunub, üç konsert keçirilib, film rejissorlarının və musiqiçilərin iştirakı ilə master-klaslar və debatlar təşkil olunub.
Festival günlərində ADA Universitetinin tələbələri üçün Venesiyanın Ca Foscari universitetindən xüsusi qonaqların iştirakı ilə tolerantlıq mövzusunda müzakirələr təşkil olunub.
Festival çərçivəsində konsertlər Azərbaycan muğamının Boliviya-Peru musiqisi ilə sintezi, habelə muğamın yunan musiqisi ilə sintezi nöqteyi-nəzərdən nadir olub.
Tədbirdə çıxış edən Aİ-nin Azərbaycan nümayəndəliyinin siyasi və sosial məsələlər və ictimaiyyətlə əlaqələr şöbəsinin müdiri Denis Daniilidis qeyd edib ki, təşkilatçıların festivalı illik tədbirə çevirmək planı var və bunun məqsədi tolerantlıq ideyası altında birləşməkdir.
Bu il festival çərçivəsində tədbirlərdə 4 minə yaxın insanın iştirak etdiyi, bunun ötən illə müqayisədə 30% çox olduğu bildirilib. -71D-
Mədəniyyət
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
Rəy yaz