Açiq mənbələrdən foto.
Bakı/03.05.21/Turan: Bakı Şəhər Memarlıq və Şəhərsalma Baş İdarəsi "Abşeron qəsəbələrinin memarlıq siması" müsabiqəsinin ikinci mərhələsini elan edib.
Bu mərhələdə yarımadanın şimal-şərqində yerləşən qədim yaşayış məskəni Buzovna qəsəbəsi üzrə layihələr qəbul ediləcək. Müsabiqədə məqsəd bu Abşeron qəsəbəsi üçün ən yaxşı memarlıq-planlaşdırma həllini tapmaqdır.
Müsabiqəyə təqdim edilən layihələrin əsas prinsipləri bunlardır: estetik görünüşün təkmilləşdirilməsi və həyat keyfiyyətinin yaxşılaşdırılması, yerli arxitektura və iqlim xüsusiyyətlərini nəzərə alan orijinal həllər, tarixi irsin mühafizəsi.
Buzovna qəsəbəsi memarlıq abidələri ilə zəngindir: Qala qülləsi (XV-XVI əsrlər), "Qara geyim ziyarətgahı” (1306-cı il), "Xəlifə Əli və Məhəmməd Mömin türbəsi" (1641-ci il), Seyid Qasım, Şeyx Cavad, Seyid Gülşən ziyarətgahları, Cümə məscidi (XIX əsr), Sahib az-Zaman məscidi (XVII əsr), Məşədi Qərib məscidi (XIX əsr), İmam Həsən məscidi (a) (XIX əsr), Həzrəti Əli ziyarətgahı (Əli ayağı), Mehdiqulu bəyin Evi (XIX əsr), ictimai hamamlar (XIX əsr) və qədim qəbiristanlıq.
Sənədlərin verilməsi mayın 31-dək, layihələrin təqdim olunması iyulun 5-dək davam edəcək.
Müsabiqə işləri Münsiflər Heyəti tərəfindən qiymətləndiriləcək. Qalib 10 000 manat məbləğində pul mükafatı alacaq. İkinci yerə görə mükafat 5000 manat, iki üçüncü yerə görə isə 2500 manat təşkil edəcək.
Həmçinin həvəsləndirici mükafatlar və sertifikatlar nəzərdə tutulub.
Müsabiqənin birinci mərhələsində Əmircan, Ramana və Pirşağı üzrə layihələr təqdim olunub. –06D-
Mədəniyyət
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
-
Mexikoda keçirilən möhtəşəm mərasimdə Danimarkanın kiçik Dunstal şəhərindən olan 21 yaşlı Victoria Kjær Teilvig “Miss Universe” yarışmasının qalibi elan olundu. Bu, Danimarkadan olan iştirakçının bu mötəbər titulu qazandığı ilk haldır.
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
Rəy yaz