Photo TURAN.
Bakı/17.05.23/Turan: Tanınmış tarixçi və ictimai-siyasi xadim, professor Cəmil Həsənlinin “Zamanın sınağında” və “Güney Azərbaycan: tarixin yol ayrıcında, 1939-1945” adlı iki yeni kitabı çapdan çıxıb. Hər ikisi London Unuversitetinin Tarix Araşdırmaları İnstitutunda dəvətli araşdırmaçı kimi çalışdığı dönəmdə hazırlanıb.
İlk kitab memuar janrında yazılıb, ötən əsrin 50-ci illərindən 2010-ci ilə qədər olan dövrü əhatə edir. "Ol" nəşriyyatı tərəfindən çap edilib.
İkinci kitab xronoloji olaraq Cənubi Azərbaycanın müstəqillik uğrunda mübarizəsi və 1945-ci ilin dekabrında Cənubi Azərbaycan Demokratik Respublikasının elan edilməsi dövrünü əhatə edir. "Qanun" nəşriyyatı tərəfindən hazırlanıb.
Bu kitabın nəşrində Qərb və Rusiya arxivlərində tapılan yeni materiallardan istifadə edilib. Cənubi Azərbaycanda indiki hadisələr fonunda bu iş xüsusi əhəmiyyət kəsb edir. 0
Mədəniyyət
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
-
Mexikoda keçirilən möhtəşəm mərasimdə Danimarkanın kiçik Dunstal şəhərindən olan 21 yaşlı Victoria Kjær Teilvig “Miss Universe” yarışmasının qalibi elan olundu. Bu, Danimarkadan olan iştirakçının bu mötəbər titulu qazandığı ilk haldır.
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
Rəy yaz