Teymur Mirzəyev ortada durur.
“Qaya”nın yaradıcısı Teymur Mirzəyev vəfat edib
Bakı/28.09.21/Turan: Mədəniyyət Nazirliyi xalq artisti Teymur Mirzəyevin vəfatı ilə bağlı nekroloq yayıb. “Azərbaycan musiqi mədəniyyətinə ağır itki üz verib. Məşhur “Qaya” vokal kvartetinin yaradıcısı, bədii rəhbəri və solisti Teymur Mirzəyev 26 sentyabr 2021-ci il tarixində İsraildə dünyasını dəyişib”, - nekroloqda bildirilir.
Teymur Mirzəyev 1936-cı ildə anadan olub, Azərbaycan Dövlət Konservatoriyasının xor-dirijor fakültəsini bitirib. Asəf Zeynallı adına Musiqi Məktəbində və Azərbaycan Dövlət Konservatoriyasında təhsil aldığı illərdə tələbə yoldaşları Rauf Babayev, Arif Hacıyev, Lev Yelisavetski ilə birlikdə “Qaya” vokal kvartetini yaradıb. Azərbaycan caz və estrada mədəniyyətinin əfsanəvi heyəti olan “Qaya” kvarteti 1961-ci ildən 1988-ci ilədək fəaliyyət göstərib.
Kvartet 1964-cü ildə Moskvada keçirilən Ümumdünya estrada müsabiqəsinin I mükafatı laureatı adına layiq görülüb.Teymur Mirzəyev 1993-cü ildə xalq artisti adına layiq görülüb.
1998 ildən Teymur Mirzəyev İsraildə yaşayırdı. -0-
-
- Maliyyə
- 28 Sentyabr 2021 11:20
Mədəniyyət
-
“Eurovision” mahnı müsabiqəsinin parlaq xaosunda Azərbaycanın Fahree - İlkin Dövlətov dueti tamaşaçıların rəğbətini qazanması ilə deyil, “Eurovision”un üstünlük təşkil edən üslubundan xeyli fərqlənməsi ilə diqqət çəkib. Mayın 8-nə keçən gecə onların çıxışı TuraLTuranX brothers qrupunun keçən ilki nəticəsini təkrarlayaraq, onları finala çıxarmayıb. Hər iki halda Azərbaycan nümayəndələri on ikinci çıxış ediblər və səhnədə təmkinli davranış nümayiş etdiriblər, bu da “Eurovision”da çox vaxt rast gəlinən parlaq çıxışlardan fərqlənib.
-
Tekstil sənətinə bənzərsiz yanaşması ilə tanınan türkiyəli rəssam Süzan Murat “Turan” Agentliyi ilə canlı söhbətində sənətinə olan ehtirası və baxışlarını bölüşüb. Ənənəvi rəssamlığa üstünlük verən bir çox müasirlərindən fərqli olaraq, Murat bədii fikirlərini ifadə etmək üçün iynə və sapa müraciət edir, parçanı həyat və rənglə dolu kətanlara çevirib.
-
Çox zaman kinoekran insan emosiyalarının incəliklərini və sosial problemləri cəsarətli ştrixlərlə əks etdirən kətan (xolst) sayılır. Rejissor İlqar Safatın "İçərişəhər" psixoloji dramı da belədir.
-
Müasir incəsənətin daim dəyişən dünyasında sərgilər çox vaxt cəmiyyətin mürəkkəbliyini və insan təcrübəsini əks etdirən güzgü rolunu oynayır.
Rəy yaz