Türk ölkələrinin məktəblərində ümumtürk tarixi dərsi veriləcək
Ankara/03.04.18/Turan: Türkiyənin Milli Təhsil Nazirliyi orta məktəblərin səkkizinci sinfinin tədris proqramına "Ümumtürk tarixi" fənnini əlavə edir, bu barədə Anadolu agentliyi məlumat yayıb.
Fənnin gələn ilin əvvəllərində Türkdilli Dövlətlərin Əməkdaşlıq Şurasının üzvü olan bütün ölkələrin - Azərbaycan, Qazaxıstan, Qırğızıstan, Türkiyə, Özbəkistan və Türkmənistanın orta məktəblərində fakultativ dərs kimi tədris ediləcək.
2014-cü il noyabrın 22-də Eskişehir şəhərində keçirilən iclasda Türk Şurasının üzvü olan ölkələr türk xalqlarının tarixi haqqında vahid dərslik hazırlanması zərurəti barədə razılığa gəliblər.
"Ümumtürk tarixi" dərs vəsaiti Qazaxıstan prezidenti Nursultan Nazarbayevin təşəbbüsü ilə beynəlxlaq ekspertlərin də cəlb edildiyi xüsusi komissiya tərəfindən hazırlanıb.
Türk Şurası Türkiyənin təhsil naziri İsmet Yılmaza yeni dərslik üzərində işin yekunlaşdığı barədə məlumat verib. Yılmaz öz növbəsində Nazirliyin nəzdindəki Təhsil və Tərbiyə şöbəsinə dərsliyi qiymətləndirmək tapşırığı verib, bundan sonra fənn tədris proqramına daxil ediləcək.
Azərbaycan Təhsil Nazirliyi hələlik bu məlumatı şərh etməyib. -02D-
-
- Cəmiyyət
- 3 Aprel 2018 15:38
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz