Yarat incəsənət məkanında Sara Pollinin “Qadınlar Danışır” filmi nümayiş olunub

Bakı/23.07.23/Turan:  21 iyul 19:00-da Rejissor Sara Pollinin "Danışır qadınlar" bədii filminin nümayişi baş tutub.  Nümayiş XX-XXI əsrlər Azərbaycan Rəngkarlığı Muzeyi (2-ci mərtəbə)  də keçirilib. Filmin əsas qəhrəmanları və mövzusu qadınlardır. Filmin orjinal dili ingilis və ingilis altyazı ilə təqdim olunub.

Film bir axşam səkkiz mennonit qadının gizli görüş keçirmək üçün samanlıqda toplaşması ilə başlayır. Son iki il ərzində ucqar koloniyanın bu qadınları, həmçinin yüzlərlə digər qız narkotiklərlə bihuş edilərək yerli kişilər tərəfindən seksual təcavüzə məruz qalıblar. Bu kişilər, qadınların  günahlarına görə onları cəzalandırmaq üçün gələn cinlər olduğunu söylənilir. Filmdə əsas sual “Qaldıqları yerdən getmək yoxsa qalıb mübarizə aparmalıdırlar?” Filmdə dialoqlardan geniş istifadə olunub. Qadınlar 13 yaşından yuxarı olan oğlan uşaqlarını da özlərinə potensial təhlükə kimi görürdülər.

Müzakirə üçün yığışan qadınların arasında sadecə 1 kişi yer alır.  Onun da əsas misiyası qadınların müzakirlərini dəftərə qeyd etməkdən ibarətdir.  Çünki orada olan heç bir qadın oxuyub-yazmağı bacarmırdı. Filmin sonunda qadınlar bütün rayonda olan qadınları yığışıb oranı tərk edirlər. Diqqət çəkən məqamlardan biri də qalınlar 13 yaşından yuxarı olsa da öz övladlarını-oğlan uşaqlarını da özləri ilə aparırlar. 

Filmdə daha çox soyuq rənglərdən istifadə olunub. Bu da qadınların çəkdiyi əziyyətlərin və həyatlarının rəngsizliyini təmsil edirdi.

Filmin əvvəlində az insan gəlsə də  Film başlayandan biraz sonra bütün yerlər tutuldu. Filmin yaş həddinin 13+ olması aşağı idi. Çünki film psixoloji olaraq ağır olub qan və digər həssas səhnələrdən çox istifadə olunub.

Qeyd edək ki, film, Miriam Tovsun 2018-ci ildə yazdığı eyniadlı romanı əsasında çəkilmişdir. Həmçinin, 28-ci Critics' Choice Awards-ın 6 mükafatının, "Ən yaxşı film" və "Ən yaxşı uyğunlaşdırılmış ssenari" nominasiyaların qalibidir, həmçinin 75-ci ABŞ Ssenaristlər Gildiyası və 95-ci "Oskar" mükafatının "Ən yaxşı film" kateqoriyasının nominantı olub.

Son zamanlarda bir çox film nümayişləri baş tutub. “Under the Sand”  filmi 21 iyul  18:00-da Salaam Cinemada nümayiş olunub. Nümayiş “Qutu cəmiyyəti” adlı kiçik icma tərəfindən hazırlanıb.  Filmdən sonra filmin müzakirəsinə 30 dəqiqə vaxt ayrıldı. Yarat-da baş verən filmdə isə müzakirəyə vaxt ayrılmadı. Hər iki filmə baxan insanların bəziləri “Under the Sun” filmini daha çox bəyəndiklərini bildiriblər. Gələcək həftələrdə də bir çox film nümayişi olacağı gözlənilir.