![17 saylı cəzaçəkmə müəssisəsində Hilal Məmmədova qarşı zorakılıq](https://turan.az/resized/media/2014/main/012400066741-750-500-resize.webp)
17 saylı cəzaçəkmə müəssisəsində Hilal Məmmədova qarşı zorakılıq
Penitensiar Xidmətin 17 saylı cəzaçəkmə müəssisəsində Hilal Məmmədova qarşı zorakılıq törədilib. O, yanvarın 23-də Kürdəxanı təcridxanasından buraya gətirilib.
Hilal Məmmədovun Hüquqlarını Müdafiə Komitəsindən Turan-a bildiriblər ki, cəzaçəkmə müəssisəsinin rəhbərliyi ona təzyiq göstərib: onun başlı zorla keçəl qırxdırılıb, dərmanları, sənədləri əlindən alınıb, bir müddət içməli sudan məhrum edilib.
Məmmədovu hüquqlarını tələb edəcəyi təqdirdə ona qarşı sərt davranacaqları ilə hədələyiblər.
Məmmədovun vəkilləri cəzaçəkmə müəssisəsinin rəhbərliyinə qarşı məhkəmə iddiası hazırlayır.
“Tolışi sədo” qəzetinin redaktoru Məmmədov sentyabrın 27-də Ağır Cinayətlərə dair İşlər üzrə Bakı Məhkəməsinin qərarı ilə 5 il azadlıqdan məhrumetmə cəzasına məhkum edilib.
O, 21 iyun 2012-ci ildə İranın xeyrinə casusluq ittihamı ilə həbs edilib. Ona qarşı 274 (Vətənə xəyanət), 283.2.2 (milli və dini ayrı-seçkilik salınması) və 234.4.3-cü (qanunsuz narkotik saxlama və yayma) maddələrlə ittiham irəli sürülüb.
Beynəlxalq hüquq müdafiə və jurnalist təşkilatları Məmmədovu vicdan məhbusu kimi tanıyıb və onun dərhal azad edilməsini tələb edib. -0-
-
- Siyasət
- 24 Yanvar 2014 19:19
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz