Фото из открытых источников
2000-ə yaxın hüquqşunas vəkil olmaq istəyir
Bakı/13.01.18/Turan: Yanvar ayının 11-dək vəkil olmaq istəyən 2 min hüquqşunas qəbul üçün müraciət edib.
Bu haqda Vəkillər Kollegiyasının ixtisas komissiyasının məlumatında bildirilir.
Məlumatda bildirilir ki, Vəkillər Kollegiyasının Rəyasət Heyətinin qərarı ilə 2017-ci il dekabrın 9-da vəkilliyə qəbul prosesi bərpa olunub. Sənədlərin qəbulu dünən, yanvarın 11-i başa çatıb.
Məlumata görə, Vəkillər Kollegiyasının tarixində ilk dəfə olaraq imtahana hazırlıq proqramı namizədlərin istifadəsinə təqim edilib. Qəbul üçün sənəd verən namizədlərin sayınınsa 2000-ə yaxın olduğu qeyd edilir.
Vəkilliyə namizədlərlə yazılı test imtahanı Dövlət İmtahan Mərkəzi ilə birgə, bu il yanvarın 28-də keçiriləcək.
Parlament ötən il oktyabrın 31-də "Vəkillər və vəkillik fəaliyyəti haqqında" Qanuna, Mülki və İnzibati Prosessual məcəllələrə dəyişikliklər edib. Prezident də bunu təsdiqləyib.
Bu dəyişikliklərdən sonra nümayəndəlik institutunun fəaliyyəti məhdudlaşdırılıb. Vəkillər Kollegiyasının üzvü olmayanlar məhkəmələrdə vətəndaşların hüquqlarını müdafiə edə bilməzlər.
Bir çox ekspertlər, hüquqşunaslar bu dəyişiklikləri mürtəce hesab edirlər. Onlar hesab edir ki, hüquqşunasların məhkəməyə çıxmaq imkanlarının əllərinən alınması vətəndaşların məhkəmələrdə müdafiəsində ciddi problemlər yaradacaq.
Azərbaycanda Vəkillər Kollegiyasının cəmi 906 üzvü var. Beynəlxalq qurumların hesabatlarına görə, adambaşına düşən vəkil sayı sıralamasında Azərbaycanın adı son yerlərdə gəlir.
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz