Bakı/14.02.20/Turan: MSK-ya daxil olan şikayətlər əsasında 9 fevral parlament seçkiləri zamanı 28 dairədə baş vermiş pozuntuların araşdırılması davam edir. Bu barədə Turan-a MSK-dan bildiriblər.
Deputatlığa namizədlərin şikayətləri dairə seçki komissiyalarına göndərilib.
"DSK-lər şikayətlərə mahiyyəti üzrə baxmalı və ərizəçilərə cavab verməlidirlər. DSK-nın qərarı ərizəçini qane etsə məsələ həll edilmiş hesab olunur, qane etməsə o, MSK-ya müraciət edir və DSK-nın qərarından şikayət verir. Ərizəçi narazı qalsa MSK-nın qərarından məhkəməyə şikayət verə bilər", deyə mənbə bildirib.
Araşdırma aparılan dairələr arasında parlamentin spikeri Oqtay Əsədovun, son çağırışların deputatları Fəzail Ağamalı, Madər Musayev, Ülvi Quliyev, İmamverdi İsmayılov və başqalarının namizəd olduğu ərazilər də var. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz