![4 Azərbaycan-İraq sənədi imzalanıb](https://turan.az/resized/news/2023/75MAJuzzQFAh05fZO5MpIKtI7ewG9BesL7jacBA3-750-500-resize.webp)
4 Azərbaycan-İraq sənədi imzalanıb
4 Azərbaycan-İraq sənədi imzalanıb
Bakı/20.11.23/Turan: Bakıda Azərbaycan və İraq prezidentləri İlham Əliyev və Lətif Cəmal Rəşidin bugünki danışıqlarının yekunlarına görə Azərbaycan-İran sənədlərinin imzalanması mərasimi olub.
Xüsusən, aşağıdakı sənədlər imzalanıb:
“Azərbaycan Respublikasının Əmək və Əhalinin Sosial Müdafiəsi Nazirliyi ilə İraq Respublikasının Əmək və Sosial İşlər Nazirliyi arasında əməkdaşlıq haqqında Anlaşma Memorandumu”;
“Azərbaycan Respublikasının Dövlət Turizm Agentliyi ilə İraq Respublikasının Mədəniyyət, Turizm və Tarixi Abidələr Nazirliyi arasında turizm sahəsində əməkdaşlıq haqqında Anlaşma Memorandumu”;
“Azərbaycan Respublikasının Xarici İşlər Nazirliyi ilə İraq Respublikasının Xarici İşlər Nazirliyi arasında siyasi məsləhətləşmələr haqqında Anlaşma Memorandumu”;
“Azərbaycan Respublikası Hökuməti ilə İraq Respublikası Hökuməti arasında hava əlaqəsi haqqında Saziş”.
Mərasimdən əvvəl prezidentlərin təkbətək və nümayəndə heyətlərinin iştirakı ilə geniş tərkibdə görüşü keçirilib.
Danışıqlar zamanı qeyd edilib ki, yaxın günlərdə İraqda Ticari-iqtisadi, elmi, texniki və mədəni əməkdaşlıq üzrə Birgə Komissiyanın iclası keçiriləcək və bu, ticari-iqtisadi əlaqələrin daha da genişlənməsində mühüm rol oynayacaq.
İraq dövlət başçısı bildirib ki, onun ölkəsi "Azərbaycanla münasibətləri daha da inkişaf etdirməkdə maraqlıdır".
Görüşdə Bakı və Bağdadın hər zamanı beynəlxalq təşkilatlar çərçivəsində bir-birinin mövqeyini dəstəkləməsi məmnunluqla qeyd edilib.
Eyni zamanda, Azərbaycan və İraqın "işğaldan əziyyət çəkdiyi, amma bu vəziyyətin keçmişdə qaldığı" vurğulanıb.
Söhbət zamanı iki ölkə arasında iqtisadiyyat, energetika, mədəniyyət, elm, təhsil və turizm sahələrində əməkdaşlığın inkişaf etdirilməsi üçün əlverişli imkanların mövcudluğu qeyd edilib. 06В
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz