70 yaşdan yuxarı olanlar pensiyaya çıxmalıdır: Məmurlar İ.Əliyevin bu çağırışını eşidəcəklər?
Bakı/22.10.19/Turan: "Hesab edirəm ki, pensiya yaşına çatmış, hər halda 70 yaşını keçən iqtidarda təmsil olunanlar da yəqin ki, sizin nümunənizi təkrar edəcəklər. Hər halda mən buna ümid edirəm". Bu sözləri dövlət başçısı İ.Əliyev bazar ertəsi baş nazirin iki müavinini - Əli Həsənov və Hacıbala Abutalıbovu pensiyaya göndərərkən deyib.
Dövlət başçısı ilk dəfə yaşlı məmurları könüllü olaraq vəzifədən getməyə çağırıb.
Bu çağırışın kimə ünvanlandığına nəzər salsaq, bu, ilk növbədə Prezident Administrasiyasının başçısı, 81 yaşlı Ramiz Mehdiyevdir. Ombudsman Elmira Süleymanova da onunla eyni yaşdadır.
Baş nazirin müavini Yaqub Eyyubov 73 yaşındadır.
Təhlükəsizlik Şurasının rəhbəri Ramil Usubovun 71 yaşı var.
Dövlət Meliorasiya Komitəsinin rəhbəri Əhməd Əhmədzadə 72 yaşındadır.
Prezident Administrasiyasının İşlər Müdiri Oqtay Şahbazov 78 yaşındadır.
Deputatlar və orta dərəcəli məmurlar arasında da 20 və hətta 25 ildir vəzifədə olanlar az deyil. -02D-
Siyasət
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
-
Ədliyyə Nazirliyinin Baş Tibb İdarəsi Ələsgər Məmmədlidən aprelin 26-da götürülən təhlilin nəticələri haqqında məlumat verib.
Rəy yaz