![9 partiya Həbs edilmiş hüquq müdafiəçilərinin hüquqlarını müdafiə Komitəsi yaradıb](https://turan.az/resized/750/500/resize/media/2014/main/081100086866.jpg)
9 partiya Həbs edilmiş hüquq müdafiəçilərinin hüquqlarını müdafiə Komitəsi yaradıb
Azərbaycan müxalifət qüvvələrinin nümayəndələri bu gün Klassik Xalq Cəbhəsi Partiyasının qərargah-mənzilində son zamanlar vətəndaş cəmiyyətinin görkəmli nümayəndələrinin həbsləri ilə bağlı dinləmələr keçiriblər.
Görüş iştirakçıları hüquq müdafiəçiləri Leyla Yunus və Rəsul Cəvərovun tərtib etdiyi siyasi məhbuslar siyahısına dəstək ifadə ediblər.
Qeyd edilib ki, hakimiyyət müxtəlif beynəlxalq tribunalardan gələn tənqidi səsləri susdurmaq məqsədilə vətəndaş cəmiyyətinə total hücum həyata keçirir.
Çıxışlar zamanı hakimiyyətin repressiyalarına kütləvi müqavimətin təşkil edilməsi zərurəti haqqında fikir səslənib.
Görüş iştirakçıları siyasi partiyalar, gənclər təşkilatları və ziyalıların adından İntiqam Əliyevin müdafiəsi ilə bağlı xüsusi bəyanat qəbul ediblər.
Sənəddə qeyd edilir ki, Əliyev Avropa İnsan Hüquqları Məhkəməsinə şikayətlərin Avropa standartlarına uyğun şəkildə tərtib edilməsində vətəndaşlara fəal şəkildə kömək edirdi və ərizəçiləri onun təmsil etdiyi bir çox işlər üzrə Azərbaycan hökumətinə qarşı qərarlar qəbul edilib. Hüquq müdafiəçisinin həbsindən sonra bu istiqamətdə iş xeyli zəifləyəcək.
Bundan başqa, bütün həbs edilmiş vətəndaş cəmiyyəti fəallarının hüquqlarını müdafiə Komitəsi yaratmaq və repressiyalara qarşı müqavimət məqsədilə digər müxalif qüvvələrlə məsləhətləşmələri davam etdirmək qərara alınıb.
Dinləmələrdə AKXCP, Müsavat, Liberal Partiya, Demokrat Partiyası, “Vahid Azərbaycan - Milli Birlik”, “Ümid”, Xalq Cəbhəsi, “Böyük Millət” Partiyası və “Azadlıq” partiyasının, habelə bir sıra gənclər təşkilatlarının və ictimaiyyətin nümayəndələri iştirak ediblər. -05C06-
-
- İqtisadiyyat
- 11 Avqust 2014 18:34
-
- Siyasət
- 12 Avqust 2014 00:46
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz