Abbas Abbasov: Mən İlham Əliyevi dəstəkləyirəm

Rusiya Azərbaycanlılarının Federal Milli-Mədəni Muxtariyyəti Azərbaycan xalqı üçün məsuliyyətli anın gəldiyini – dövlət başçısı seçkilərinin yaxınlaşdığını bəyan edib.

Vətəninin taleyinə görə narahat olan hər kəs başa düşməlidir ki, Prezident seçkiləri bizim hər birimizin yaşamaq, işləmək, evlər tikmək, övladlarını tərbiyə etmək istəyəcəyi o gələcəyi seçmək imkanını reallaşdırmaq şansıdır.

Biz hesab edirik ki, bu gün ölkə rəhbərliyinin, şəxsən İlham Əliyevin həyata keçirdiyi siyasət Azərbaycanın bundan sonrakı inkişafına, dövlətçiliyin möhkəmlənməsinə, cəmiyyətin demokratikləşməsinə şərait yaradır, xalqın rifahının yaxşılaşmasına, sülh, sakitlik və quruculuğun hökm sürəcəyi bir gələcəyə aparır.

İlham Əliyevin həyata keçirdiyi siyasət Azərbaycanın bərabərhüquqlu dünya dövləti kimi inkişafının girovudur. Biz qarşıda duran prezident seçkilərində İlham Əliyevin namizədliyini dəstəkləyirik.

Bu barədə sözügedən ictimai təşkilatın rəhbəri, Azərbaycan baş nazirinin keçmiş müavini Abbas Abbasovun bəyanatında deyilir.

Maraqlıdır ki, uzun müddət Azərbaycanda rəsmi və hökumətyönlü mətbuat Abbasovu və onun rəhbərlik etdiyi təşkilatı Moskvanın layihəsi kimi qiymətləndirirdi.

Rəsmi Bakının versiyasına görə, Gürcüstanda olduğu kimi,Rusiyadakı Azərbaycan biznesmenlərinin pulu ilə Azərbaycanda müxalifət hakimiyyəti ələ keçirməlidir. -02D-