Açiq mənbələrdən foto.
ABŞ 5 min rusiyalıya sanksiya tətbiq edib - Dövlət Departamenti
Vaşinqton/23.08.22/Turan: ABŞ fevralın 24-dən Rusiyanın Ukraynaya müdaxiləsinə cavab olaraq 5 min rusiyalıya viza məhdudiyyəti tətbiq edib/ Bu barədə Dövlət Departamentinin sözçüsü Ned Prays bazar ertəsi brifinqdə bildirib.
Eyni zamanda, ABŞ Rusiya vətəndaşlarına viza verilməsinə tam qadağa qoyulmasının tərəfdarı deyil.
“Biz Putinin repressiyasından qaçanların, sığınacaq və ya təhlükəsizlik istəyənlərin yolunu kəsmirik. Bu, əziyyət çəkə biləcək rusiyalı dissidentlərə, hüquq müdafiəçilərinə aiddir”.
Prays onu da təsdiqləyib ki, ötən həftə, avqustun 18-də Dövlət Departamenti Rusiya səfirini çağırıb. Vaşinqton həmçinin Rusiyanın Zaporojye atom elektrik stansiyasını işğal etməsindən narahatlıq ifadə edib və Kremldən qoşunlarını ərazidən çıxarmağa çağırıb.
Rus təbliğatçısı Daria Duqinanın qətlinə toxunan Prays bildirib ki, ABŞ istənilən yerdə mülki şəxslərə qarşı qəsdən hücumları “şərtsiz şəkildə pisləyir”.
O, həmçinin Ukraynanın Müstəqillik Günündə Rusiyanın gözlənilən hücumlarına münasibət bildirib və qeyd edib ki, ABŞ təcavüzə qarşı mübarizədə Kiyevə kömək etməyə davam edəcək.
"Biz Müstəqillik Gününü ukraynalı tərəfdaşlarımızla birlikdə qeyd edəcəyik. Bu, təkcə Ukraynanın müstəqillik günü olmayacaq, həm də bütün dünyada bayram olmalıdır", - o deyib. -0-
Siyasət
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
-
Mayın 17-də Azərbaycan və Belarus prezidentləri Füzulidən Şuşaya gediblər.
-
Bu gün Avropa İttifaqı Şurası Rusiya təbliğatı yayan və Ukraynaya qarşı təcavüzkar müharibəni dəstəkləyən daha dörd KİV-in: "Avropanın səsi", RİA Novosti, "İzvestiya" və "Rossiyskaya qazeta"nın Avropa İttifaqında yayımını dayandırmaq qərarına gəlib.
Rəy yaz