Bakı/12.03.20/Turan: Avropa ölkələrindən ABŞ-a giriş üçün dünən elan edimiş qadağa Azərbaycana şamil edilmir. Məhdudiyyət yalnız 26 Şengen zonası ölkəsinə aiddir. Bu barədə ABŞ-ın Azərbaycandakı səfiri Li Litsenberger Turan-ın müxbiri ilə söhbətində bildirib.
"Məhdudiyyət Azərbaycana şamil edilmir, amma Şengen zonasına daxil olmayan ölkələrin vətəndaşları Avropaya gəlib, oradan ABŞ-a gəlsələr, qadağa onlara da şamil ediləcək", deyə səfir qeyd edib.
Qadağaya 30 gün sonra yenidən baxılacaq, deyə o əlavə edib. Səfirin sözlərinə görə, ABŞ koronavirusun yayılmasına qarşı mübarizə məsələsində Azərbaycan hakimiyyəti ilə fəal şəkildə əməkdaşlıq edir. -03D-
Siyasət
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
Rəy yaz