Vaşinqton Bakının ATƏT-in ofisini bağlamaq planından narahatdır və öz qərarına yenidən baxmağa çağırır. Turan-ən müxbiri məlumat verib.
İyunun 8-də Vyanada ABŞ səfiri Daniel Baer ATƏT Daimi Şurasının iclasında Vaşinqtonun reaksiyasını diqqətə çatdırıb.
“Ötən cümə günü biz baş katibdən eşitdik ki, Azərbaycan Bakıda ATƏT layihələrinin koordinatorunun funksiyasını nəzərdə tutan memorandumdan imtina etmək niyyətində olduğunu açıqlayıb. Bu, dərin məyusluq doğurur”, - o bildirib.
“Eyni zamanda yada salmaq vacibdir ki, layihələr üzrə koordinatorun ofisi ATƏT-in 57 iştirakçı dövləti ilə razılaşdırılmış siyasi mandat əsasında fəaliyyət göstərir.
Odur ki, iştirakçı dövlətlərin konsensusu əsasında qəbul olunmuş istənilən qərar kimi bu qərar da yalnız konsensus əsasında ləğv edilə bilər”, - o vurğulayıb.
“Hökumətin kompleks təhlükəsizliyin yaxşılaşdırılmasına sadiqliyini nümayiş etdirmək yollarından biri onun vətəndaşlarının ATƏT ilə birbaşa qarşılıqlı münasibətlərə malik olmasıdır. ATƏT-in yerlərdə iştirakı, hökumətlər və vətəndaşlarla iş aparması ATƏT qarşısında uğurlu islahatlara və öhdəliklərin icrasına xidmət edir”, - o bildirib.
“Hökumət başa düşməlidir ki, QHT-dən və beynəlxalq tərəfdaşlardan gələn tənqidə təhlükə kimi baxmaq lazım deyil, problemin siyasi həlli və vəziyyətin yaxşılaşdırılması imkanları kimi baxmaq lazımdır”, - o əlavə edib.
Sonra Baer deyib ki, Azərbaycanda ATƏT layihələri koordinatorunun ofisinin faydalı iş aparmaq üçün potensialı var ki, bu da yerli özünüidarəetməyə yardım göstərəcək, ATƏT öhdəliklərinin icrasını yaxşılaşdıracaq.
“Ofis işləməlidir və biz Azərbaycan hökumətini öz niyyətinə yenidən baxmağa çağırırıq”, - o vurğulayıb.
Sonda Baer qeyd edib ki, əgər Bakı ATƏT ofisini bağlamaqda israrlı olarsa bu, ölkənin ilk növbədə insan hüquqları və əsas azadlıqların təminatı sahəsində beynəlxalq öhdəliklərinin yerinə yetirlməsi məsələsinə mənfi təsir göstərəcək.
“Bu, ölkədə hərtərəfli təhlükəsizlik üçün yaxşı deyil, bu, Azərbaycan hökuməti və ya adamlar üçün yaxşı deyil”, - o vurğulayıb.-25В-
Siyasət
-
Noyabrın 14-də Bakıda keçirilən COP29 konfransının keçirildiyi yerdə bir qrup fəal "Pay up" ("Ödəmə vaxtıdır") şüarı altında aksiya keçirib.
-
Ermənistan baş naziri Nikol Paşinyan bildirib ki, həm prezident İlham Əliyev, həm də o, Ermənistan və Azərbaycan üçün təkcə sülh sazişi və digər razılaşmaların əldə olunması deyil, eyni zamanda sülh içində birgə yaşayış üçün strateji sazişin imzalanması zərurəti olduğunu qəbul edirlər. O, bu fikirləri noyabrın 13-də parlamentin iclasında səsləndirib.
-
Fransanın ekologiya, energetika və iqlim naziri Anyes Pannye-Runaşe (Agnès Pannier-Runacher). "Əliyevin COP29-un açılış mərasimində Fransa və Avropa ilə bağlı şərhləri qəbuledilməzdir. Ölkəmizə, onun institutlarına və ərazilərinə birbaşa hücumlar əsassızdır.
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
Rəy yaz