Açiq mənbələrdən foto.
ABŞ, Avropa və Kanada Putin və Lavrova qarşı sanksiyalar tətbiq ediblər və Ukraynaya köməyi artırırlar
Vaşinqton/26.02.22/Turan: Rusiyanın Ukraynaya qarşı təcavüzü fonunda cümə günü ABŞ, Kanada, Aİ və Böyük Britaniya Vladimir Putinin və Sergey Lavrovun xarici aktivlərini dondurublar, bu barədə TURAN-ın Vaşinqtondakı müxbiri məlumat verib.
"ABŞ Rusiyanın Ukraynaya əsassız, səbəbsiz və qərəzli müdaxiləsinə sərt reaksiyalar verməyə davam edir", deyə ABŞ Maliyyə Nazirliyinin bəyanatında bildirilir.
Prezident Putin və nazir Lavrov "Rusiyanın Ukraynaya - demokratik suveren dövlətə səbəbsiz və qanunsuz müdaxiləsinə görə birbaşa məsuliyyət daşıyırlar".
"Bundan başqa, ABŞ Dövlət Departamenti müdafiə naziri Sergey Şoyqu və Baş Qərargah rəisi Valeri Gerasimova qarşı sanksiyalar tətbiq edib", deyə Maliyyə Nazirliyinin məlumatında qeyd edilir.
"Biz Rusiyanın Ukraynaya müdaxiləni davam etdirməsinə görə ciddi iqtisadi və diplomatik qiymət ödəyəcəyinə zəmanət vermək üçün beynəlxalq müttəfiqlərimiz və tərəfdaşlarımızla birgə hərəkət edirik", deyə maliyyə naziri Canet Yellen bildirib.
Bu qərarlar prezident Baydenin NATO-dan olan həmkarları ilə danışıqlar aparmasından və Ukrayna prezidenti Zelenski ilə 40 dəqiqəlik telefon söhbətindən sonra qəbul edilib, bu barədə Ağ Evdən TURAN-ın müxbirinə bildiriblər.
"Mən NATO-dan olan müttəfiqlərimizə dəstək məqsədilə Avropada potensialımızın artırılması üçün əlavə qüvvələr göndərməyi əmr etdim. Putin Qərbin bölünməsi məqsədinə nail olmaqda uğursuzluğa düçar olub", deyə Bayden bildirib. "NATO heç vaxt olmadığı qədər vəhdət və qətiyyət içindədir və NATO bizim dəyərlərimizə ortaq olan və bir gün bizim Şimali Atlantika İttifaqımıza qoşulmağa can ata biləcək Avropa dövlətləri üçün qapılarını açıq olaraq saxlayacaq.
Mən ölkəsi uğrunda mübarizə aparan Ukrayna xalqının cəsarətli hərəkətlərinə görə prezident Zelenskini təqdir edirəm", deyə Bayden bildirib. -25B-
-
- Siyasət
- 26 Fevral 2022 08:32
-
- Söz istəyirəm
- 26 Fevral 2022 10:30
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz