ABŞ Azərbaycan qoşunlarının hərəkət etməsindən narahatdır

Vaşinqton/26.03.22/Turan: Vaşinqton cümə günü yenidən Ermənistan və Azərbaycanı vəziyyəti gərginləşdirmək üçün birbaşa kommunikasiya kanallarından istifadə etməyə çağırıb.

“Biz 2020-ci ilin noyabrında atəşkəsdən sonra yaradılmış təmas xəttindəki vəziyyəti diqqətlə izləyirik”, - deyə ABŞ Dövlət Departamentinin sözçünün müavini Jalin Porter TURANa bildirib.

O, ABŞ-ın Azərbaycan qoşunlarının  hərəkət etməsindən "dərin narahat olduğunu" bildirib və bunu "lazımsız eskalasiya" adlandırıb.

Martın 24-də dövlət katibinin köməkçisi Karen Donfrid Ermənistan və Azərbaycan xarici işlər nazirləri ilə söhbətində dövlət katibi Blinkenin martın 21-də Paşinyana, martın 22-də isə Əliyevə dediklərini təkrarlayıb. O, hər iki tərəfi təmkin nümayiş etdirməyə və bütün həll edilməmiş məsələlərin həlli yollarını tapmaq üçün diplomatik fəaliyyəti gücləndirməyə çağırıb”.

“Ermənistan və Azərbaycan gərginliyin dərhal aradan qaldırılması üçün birbaşa kommunikasiya kanallarından istifadə etməlidir”.

ABŞ ATƏT-in Minsk Qrupunun həmsədri kimi “münaqişənin uzunmüddətli siyasi həllinə nail olmaq üçün tərəflərlə işləməyə sadiq qalır”, Porter əlavə edib. -25B-