![Açiq mənbələrdən foto.](https://turan.az/resized/media/2022/main/032600042284-750-500-resize.webp)
Açiq mənbələrdən foto.
Pentaqon: Rusiya Gürcüstandan Ukraynaya qoşun yeridir
Vaşinqton/26.03.22/Turan: Amerika kəşfiyyatı Rusiya qoşunlarının Gürcüstandan Ukraynaya yeridildiyini qeydə alır, bu barədə cümə günü jurnalistlərə ABŞ Müdafiə Nazirliyinin yüksək vəzifəli nümayəndəsi bildirib. Xəbəri Turan-ın Vaşinqton müxbiri verib.
"Biz onların Gürcüstandan əlavə qüvvələr göndərməyə çalşdığının ilk əlamətlərini əldə etmişik", deyə Pentaqon nümayəndəsi bildirib. "Biz Gürcüstandan müəyyən sayda qoşunların yeridildiyini gördük".
Vaşinqton Kreml qoşunlarının 2008-ci ildə işğaldan sonra yerləşdiyi "Gürcüstandan müəyyən sayda qoşunun yeridildiyinin" şahidi olub, amma Müdafiə Nazirliyinin nümayəndəsi bu qoşunların nə sayını, nə haraya göndəriləcəyini, nə də Ukraynaya nə vaxt çatacağını açıqlaya bilməyib.
Pentaqonun fikrincə, bu gün Rusiya hərbiçiləri yerüstü əməliyyatlar keçirməkdə daha az maraqlıdırlar və Ukraynanın şərq hissəsində - Donbasda cəmləşiblər.
"Orada hələ qarşıda ağır döyüşlər var və biz düşünürük ki, onlar orada möhkəmlənib, gələcək danışıqlarda bundan istifadə etməyə çalışırlar".
O, həmçinin ukraynalıların Azov dənizində Berdyansk limanında Rusiyaya məxsus hərbi gəmini məhv etməsi haqqında məlumatı təsdiq edib.
Məhv edilən "Saratov" adlı Rusiya gəmisi 20-yə qədər tank daşıya bilən "Alliqator" tipli universal desant gəmisi idi. O, qurbanların sayını və ukraynalıların gəmini məhz nə ilə vurduğunu açıqlamayıb. -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz