Bakı/28.05.18/Turan: Amerika Birləşmiş Ştatları hökuməti Azərbaycanı Cumhuriyyətin yaradılmasının 100 illiyi münasibətilə təbrik edib. ABŞ dövlət katibi Mayk Pompeonun bəyanatında Azərbaycanın Birləşmiş Ştatların dəyərli tərəfdaşı olduğu bildirilir, Vaşinqtonun Dağlıq Qarabağ münaqişəsinin sülh yolu ilə həlli istiqamətində səylərə sadiq qaldlğı ifadə edilir.
Pompeonun bəyanatında deyilir:
"Birləşmiş Ştatlar hökuməti və Amerika xalqı adından Azərbaycan hökuməti və onun xalqını təbrik etməkdən böyük məmnunluq duyuram.
2018-ci ildə ilk müsəlman parlament respublikası olan və dünyada ilk ölkələrdən biri olaraq qadınlara səs vermək hüququ verən Azərbaycan Demokratik Respublikasının 100 illiyi tamam olur.
Azərbaycan 1991-ci ildə müstəqilliyini bərpa etdiyi vaxtdan Birləşmiş Ştatların dəyərli tərəfdaşıdır. Biz uzunmüddətli əməkdaşlığı davam etdirməyi, təhlükəsizilk, enerji və demokratik idarəetmə ilə bağlı birgə işimizi dərinləşdirməyi və iki ölkə arasında əlaqələri gücləndirməyimizi səbirsizliklə gözləyirik.
Biz eyni zamanda, Dağlıq Qarabağ münaqişəsinin sülh yolu ilə həllinin tapılması işinə sadiq qalırıq və tərəfləri ən tez zamanda intensiv danışıqları bərpa etməyə çağırırıq", deyə dövlət katibi qeyd edir. -03D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz