![ABŞ Bakı və Yerevanı diqqəti sülhün axtarışına yönəltməyə çağırıb](https://turan.az/resized/media/2014/main/081500087247-750-500-resize.webp)
ABŞ Bakı və Yerevanı diqqəti sülhün axtarışına yönəltməyə çağırıb
Vaşinqton Azərbaycanla Ermənistanı siyasi iradə nümayiş etdirərək Qarabağ münaqişəsinin dinc yolla həllinin tapılması məqsədilə danışıqları davam etdirməyə çağırıb. Bu barədə ABŞ-ın ATƏT-dəki nümayəndəsi Qari Robinsonun bəyanatında deyilir.
Prezidentlər Əliyevlə Sarkisyanın Soçi görüşünü alqışlayan Vaşinqton təmas xəttində zorakılıq faktlarını pisləyib. Bu, iyulun 31-dən başlayaraq çoxsaylı insan tələfatına səbəb olub.
ABŞ həlak olanların ailələrinə başsağlığı verərək gərginliyin azaldılması və atəşkəs rejiminə əməl olunması üçün tədbirlər görməyə çağırıb.
“ABŞ ATƏT-in Minsk Qrupunun həmsədri kimi uzun və dayanıqlı sülhün axtarışı üçün səylərini davam etdirir. Münaqişənin hərbi yolla həlli ola bilməz. Sonrakı zorakılıq və təxribatyönlü bəyanatlar yalnız dinc nizamlanmanı çətinləşdirər”, - Robins vurğulayıb.
Bəyanatın sonunda Minsk Qrupu həmsədrlərinin bəyanatına istinadən qeyd olunur ki, nizamlanma BMT və Helsinki yekun aktı prinsipləri – güc və ya bu barədə hədə-qorxu tətbiq etməmək, ərazi bütövlüyü, xalqların bərabər hüquqları və öz müqəddəratını təyin etməsi - əsasında nizamlanmalıdır.-25D-
-
- Cəmiyyət
- 15 Avqust 2014 12:41
Siyasət
-
Cüdoçu Zelim Kotsoyev Parisdə keçirilən Olimpiya Oyunlarında Azərbaycana ikinci qızıl medal qazandırıb.
-
49 gündür Penitensiar Xidmətin müalicə müəssisəsində aclıq edən Fazil Qasımovun vəziyyəti kritik olaraq qalır. Bu barədə Turan agentliyinə onun vəkili Rövşanə Rəhimova avqustun 1-də Qasımova baş çəkdikdən sonra bildirib.
-
Avqustun 1-də Ankara aeroportunda Moskva və Vaşinqton arasındakı münasibətlər tarixində ən böyük məhbus mübadiləsi olub: 24 məhbusun mübadiləsi həyata keçirilib. Rusiya tərəfi 16 nəfəri (bu qrupa ABŞ vətəndaşları, ikili vətəndaşlığı olan şəxslər və rusiyalılar daxildir) ABŞ-a təhvil verib.
-
Növbədənkənar parlament seçkilərində iştirakla bağlı 1489 nəfər namizədlik üçün müraciət edib. Onlardan 481 nəfərin namizədliyi qeydə alınıb. Bu barədə avqustun 1-də Mərkəzi Seçki Komissiyasının iclasında qurumun sədri Məzahir Pənahov bildirib.
Rəy yaz