ABŞ dövlət katibinin köməkçisi O'Brayeni Azərbaycana göndərir

Vaşinqton/05.12.23/Turan: Bazar ertəsi ABŞ əvvəlki mövqeyindən kənara çıxaraq, Avropa və Avrasiya üzrə baş diplomatını Azərbaycana göndərəcəyini bəyan edib. TURANın amerikalı müxbiri xəbər verir ki, o, ikitərəfli münasibətlərin möhkəmləndirilməsini müzakirə edəcək və Vaşinqtonun sülhə sadiqliyini vurğulayacaq.

Dövlət Departamentinin bəyanatında deyilir ki, dövlət katibinin köməkçisi Ceyms O'Brayen Bakı və Buxarestə göndərir. O, dekabırın 6 da Bakıda Azərbaycan və Ermənistan arasında ikitərəfli münasibətlərin möhkəmləndirilməsi və sülhün dəstəklənməsi məsələlərini müzakirə edəcək, departamentin məlumatında deyilir. Rumıniyada O'Brayen Rumıniya, Ukrayna, Moldova və Aİ-nin yüksək vəzifəli şəxsləri ilə birlikdə taxıl ixracı sammitində iştirak edəcək.

O'Brayenin Azərbaycana səfəri dövlət katibi Blinkenin İlham Əliyevi yüksək səviyyəli öhdəliklərini yerinə yetirməyə çağırmasından bir həftə sonraya təsadüf edir. Öz növbəsində Bakı iddia edir ki, Əliyev “bu səfərdən sonra Azərbaycanın yüksək rütbəli məmurlarının ABŞ-a səfərinə qoyulan əsassız qadağanın aradan qaldırılması şərti ilə bu təkliflə razılaşıb”. Bakı həmçinin O`Brayen-in Nümayəndələr Palatasının Xarici Əlaqələr Komitəsi qarşısında verdiyi ifadəsinə də etiraz edib ki, Bakı və İrəvan arasında sülh sazişi olmayanacan “Vaşinqtonun Azərbaycanla münasibətlərində “adi iş” ola bilməz”. Bu fikirlər Azərbaycan hökuməti tərəfindən “qərəzli” kimi qəbul edilib və noyabrın 20-də Vaşinqtonda Ermənistanla planlaşdırılan görüşün ləğvinə səbəb olub. Bunun ardınca Azərbaycanın iqtidaryönlü mediasında anti-Amerika kampaniyası başladı və hakimiyyət USAİD-in fəaliyyətinin qadağan edilməsinin zəruriliyini açıq şəkildə bəyan etdi. Eyni zamanda “Qərb casuslarını” ifşa etmək və xeyli müstəqil jurnalistin həbsi kampaniyası başlandı. O'Brien-in qarşıdan gələn səfəri ikitərəfli münasibətləri yaxşılaşdırmaq üçün kifayət edəcəkmi? Azərbaycanda səfir olmuş Riçard Kaozlariç TURANın Vaşinqton müxbirinə deyib: "Səfər ABŞ və Azərbaycan arasında ikitərəfli münasibətləri sabitləşdirməlidir. Ən mühüm məsələ "Ermənistan və Azərbaycan arasında sülh prosesinin irəliləməsidir". Kozlariç əlavə edib ki, O'Brayen ABŞ-da təhsil almış azərbaycanlı tələbələrin "agent" olması ilə bağlı haqsız ittihamlara da toxunmalıdır. Nəhayət, dövlət katibinin köməkçisi “müstəqil jurnalistlərin davam edən həbsləri və doktor Qubad İbadoğlunun qanunsuz həbsi məsələsini qaldırmalıdır. -0-