ABŞ Əliyev-Paşinyan görüşünü alqışlayır

Vaşinqton/21.05.22/Turan: Vaşinqton Ermənistan və Azərbaycan arasında dialoqu alqışlayır, cümə günü Dövlət Departamentinin sözçüsü Ned Prays TURANın qarşıdan gələn Əliyev-Paşinyan görüşü ilə bağlı sualını cavablandırarkən deyib.

ABŞ Cənubi Qafqaz regionu üçün dinc, demokratik və firavan gələcəyin təşviqinə “sadiq qalır”. “Biz bu dialoqu davam etdirməyə və tərəflər arasında birbaşa fəaliyyət mexanizmlərindən istifadə etmək və Dağlıq Qarabağ münaqişəsi ilə bağlı bütün həll edilməmiş məsələlərin hərtərəfli həlli yollarını tapmaq və hərtərəfli sülh sazişi bağlamaqla normallaşdırmaga çağırırıq" - Prays gündəlik brifinq zamanı deyib.

“Biz ATƏT-in Minsk qrupunun həmsədri kimi Ermənistana və Azərbaycana bu səylərdə kömək etməyə hazırıq”, - o əlavə edib.

Xatırladaq ki, Əliyev və Paşinyan bu həftəsonu Brüsseldə ötən ilin dekabrından bəri üçüncü dəfə görüşəcəklər. -0-

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Audio xəbər

Bizi sosial şəbəkələrdə izləyin

Xəbər lenti