Açiq mənbələrdən foto.
Vaşinqton/27.10.22/Turan: Çərşənbə günü ABŞ Dövlət Departamenti Azərbaycan və Ermənistan liderlərini “onlar üçün əlverişli olan istənilən formatda görüşməyə” çağırıb. Bunu Vaşinqtonda brifinq zamanı Dövlət Departamentinin nümayəndəsinin müavini Vedant Patel bildirib.
"Dövlət katibi Entoni Blinken qeyd edib ki, ABŞ Ermənistanla Azərbaycan arasında sülh danışıqlarına sadiqdir və biz hər iki lideri onlar üçün əlverişli formatda görüşməyə çağırdıq", - Patel oktyabrın 31-də Soçidə Vladimir Putinin iştirakı ilə keçiriləcək Əliyev- Paşinyan görüşü ilə bağll Turan-ın müxbirinin sualının cavabında deyib.
“Bizim nöqteyi-nəzərimiz ondan ibarətdir ki, birbaşa dialoq bu məsələlərin həlli və davamlı sülhə nail olmaq üçün açardır”, - o qeyd edib.
“Cənubi Qafqazda üç ölkənin suverenliyi və müstəqilliyində, o cümlədən 1991-ci ildə Sovet İttifaqı dağılandan sonra Ermənistan, Azərbaycan və Gürcüstanın müstəqilliklərinin bərpasında ABŞ-dan böyük tərəfdar yoxdur. Bu, ölkələrin hər birinin öz xarici siyasi maraqlarını və suverenliyini həyata keçirmək hüququna zəmanət verib". 0
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz