ABŞ gürcü xalqının istəklərini dəstəkləməyə davam edəcəyini bəyan edir

Vaşinqton/10.03.23/Turan: ABŞ Gürcüstanın Rusiyanın təşəbbüs göstərdiyi "Xarici agentlər" haqqında qanun layihəsini geri çagırmaq qərarını alqışlayır və hakim partiyanı onu rəsmən oeri çəkməyə çağırıb.

"Tamamilə aydındır ki, Gürcüstan xalqı bir daha açıq şəkildə bildirdi ki, Gürcüstan üçün yeganə seçim təhlükəsiz və firavan Avropa gələcəyidir",- gündəlik brifinqdə Dövlət Departamentinin rəsmi nümayəndəsi Ned Prays Turan-ın sualını cavablandırarkən bildirib.

"Xarici təsir” haqqında  qanun layihəsinin geri götürülməsi qərarını alqışlayırıq, hakim partiyanı bu cür qanunvericiliyi təşviq etməməyə çağırırıq, çünki bu, Gürcüstan və Avropa normaları, Atlantik dəyərlər və əsas azadlıqların müdafiəsilə bir araya sığmır”, - Prays deyib.

"Biz Gürcüstanın siyasi liderlərini Avropa İttifaqına üzvlüyə namizəd statusu almaq üçün zəruri olan islahatların üzərində ciddi işləməyə çağırırıq, belə ki,  Gürcüstan vətəndaşları bunu çox istəyirlər”, - o deyib.

"Bir neçə onilliklər ərzində gürcü xalqı demokratik Gürcüstana can atdığını, Avroatlantik regiona inteqrasiya olunduğunu aydın şəkildə bildirib. O bunu yenidən etdi və ABŞ bu səylərdə Gürcüstanın tərəfdaşı olmağa davam edir", - Prays  deyib. 0