ABŞ Gürcüstan, Moldova və Ukraynada Rusiya seçki məntəqələrinin yaradılmasını pisləyib

Cümə günü Bayden administrasiyasının Avropa və Avrasiya üzrə məsul yüksək vəzifəli məmuru  Gürcüstanın işğal olunmuş Abxaziya və Cənubi Osetiya ərazilərində, eləcə də Moldovanın Dnestryanı ərazisində Rusiyanın seçki məntəqələrinin açılmasını pisləyib, Turan-ın Vaşinqton müxbiri bildirib.

"Kreml bu ölkələrin suverenliyini və ərazi bütövlüyünü yenidən  pozur", -  dövlət katibinin köməkçisi Ceyms O'Brayen Tvitterdə qeyd edib.

Bundan əvvəl Dövlət Departamenti Rusiyanın işğal olunmuş Ukrayna ərazilərində  prezident seçkiləri keçirmək yoluyla Ukraynanın suverenliyini pozmaq üçün səylərini davam etdirməsini pisləyib. "Biz Putinin qanunsuz torpaq zəbtini qanuniləşdirmək cəhdinin legitimliyini və nəticəsini tanımırıq və heç vaxt tanımayacağıq", -O'Brayen ayrı bir tvitdə qeyd edib.

Rusiyalılar bu həftə sonu üçgünlük prezident seçkilərində səs verirlər.