![G7 Rusiyanı ballistik raketlərlə dəstəkləməməklə bağlı İrana xəbərdarlıq edir](https://turan.az/resized/news/2024/UxXsmK1ZPK04PBtot2k3CBF3TERAMewr5JyxWY0s-750-500-resize.webp)
G7 Rusiyanı ballistik raketlərlə dəstəkləməməklə bağlı İrana xəbərdarlıq edir
G7 Rusiyanı ballistik raketlərlə dəstəkləməməklə bağlı İrana xəbərdarlıq edir
Cümə günü ABŞ və onun G7 üzrə tərəfdaşları İrana kəskin xəbərdarlıq edərək, Rusiyaya ballistik raket göndərməkdən çəkinməyə çağırıblar və Tehranın bunu edəcəyi təqdirdə "mühüm tədbirlər" ilə hədələyiblər, - Turan-ın Vaşinqton müxbiri bildirib.
"İran Ukraynanın mülki əhalisinə hücum üçün istifadə olunan pilotsuz təyyarələri Rusiya rejiminə göndərdikdən sonra ballistik raketlərin və onlarla əlaqəli texnologiyaların Rusiyaya verilməsinin mümkünlüyünü nəzərdən keçirməsi barədə xəbərlərdən çox narahatıq", - ABŞ, Fransa, Yaponiya, İtaliya, Almaniya, Avropa İttifaqı, İngiltərə və Kanadanın timsalında Böyük yeddilik ölkələrinin - G7 bəyanatında deyilir.
"Əgər İran Rusiyaya ballistik raketlər və ya onlarla əlaqəli texnologiyalar göndərməyə davam edərsə, biz İrana qarşı yeni və mühüm tədbirlər də daxil olmaqla, operativ və koordinasiyalı şəkildə reaksiya verməyə hazırıq”, - sənəddə qeyd olunub.
Bu xəbərdarlıq Rusiyanın İran və Şimali Koreya ilə əlaqələrinin dərinləşməsi, hərbi sursat, raket və digər hərbi texnikanın tədarükü ilə bağlı Vaşinqton və Brüsseldə narahatlığın artmasından sonra səslənib.
İrana qarşı mümkün tədbirlərin arasında İran Air-in Avropaya uçuşlarının qadağan edilməsi nəzərdən keçirilir.
-
- Dünyada
- 16 Mart 2024 11:11
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz