Açiq mənbələrdən foto.
Vaşinqton/11.03.23/Turan: Cümə günü Ağ Ev Gürcüstanın Transatlantik meyllərini dəstəklədiyini, amma onların inkişafı üçün islahatlara ehtiyac olduğunu bildirib, xəbəri Turan-ın Amerikadakı müxbiri verib.
Prezident Baydenin milli təhlükəsizlik üzrə müşaviri Ceyk Sallivan cümə günü Gürcüstanda "xarici agentlər" haqqında qanun layihəsi ilə əlaqədar baş verən iğtişaşlardan sonra yaranmış vəziyyəti müzakirə etmək üçün ölkə prezidenti Salome Zurabişvili ilə görüşüb.
"Bizim bu qanunun cəmiyyətin yaxşılaşdırılması üzərində işləyən yüzlərlə Gürcüstan QHT-sinin önəmli səylərinin qarşısını alacağı və onlara mane olacağı ilə bağlı ortaq narahatlığımız var", deyə Milli Təhlükəsizlik Şurasının nümayəndəsi Con Kirbi jurnalistlərə bildirib. Vaşinqton qanun layihəsinin Gürcüstan parlamentindən geri götürüldüyü üçün şaddır.
Sallivan və Zurabişvilinin görüşündən sonra Ağ Ev bildirib ki, tərəflər Ukraynaya qarşı müharibəsi səbəbindən Qərb ölkələrinin Rusiyaya qarşı tətbiq etdiyi sanksiyaları da müzakirə ediblər.
Sallivan xəbərdarlıq edib ki, Gürcüstan Rusiyanın sanksiyalardan yayınması üçün bir kanala çevrilməməlidir. --0--
Siyasət
-
23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
-
Bazar ertəsi Bakı Ağır Cinayətlər Məhkəməsində fəal Bəxtiyar Hacıyevin işi üzrə dinləmələr davam edib.
-
Dekabrın 23-də Bakı Ağır Cinayətlər Məhkəməsində "Kanal-11" YouTube resursunun rəhbəri Teymur Kərimovun işi üzrə proses davam edib. O, hədə yoluyla tələb etməkdə ittiham olunur.
Rəy yaz